Оюутолгойн гэрээг шалгах ажлын хэсгийн дүгнэлтийг Оюутолгойд хэн өгсөн бэ гэдэг асуудал олны анхаарлыг татаж буй. Энэ талаар тус ажлын хэсгийн ахлагч Д.Тэрбишдагва “Оюутолгойд би ажлын хэсгийн дүгнэлтийг ѳгѳѳгүй, ѳгсѳн хүн нь хариуцлага хүлээх ёстой. Ажлын хэсэгт 12 гишүүн багтсан. Таван дэд ажлын хэсэгтэй. Дэд ажлын хэсэг нь таван яамны Төрийн бичгийн дарга нар ахалсан. 45 хоногийн дотор шалга гэсэн. Энэ хооронд ажлын хэсгийн ахлагчийг өөрчилж, намайг сонгосон. Өнгөрсөн зун огт амралтгүйгээр ажилласан. Өнгөрсөн 2018 оны есдүгээр сард ганцхан Б.Бат-Эрдэнэ гишүүн өөрийн саналаа өгсөн. Нийтдээ ажлын дэд хэсгүүд нөөц боломжоороо хуралдсан. Ажлын хэсэг есөн удаа хуралдсан. Хоёр удаа ирц хүрээгүй. Үүний үндсэн дээр гишүүдээс саналыг нь амаар болон бичгээр авч, ажлын хэсгийн дүгнэлт өнгөрсөн 2018 оны арваннэгдүгээр сард бэлэн болсон. Байнгын хорооны даргад “Энэ асуудлыг хэлэлцэж өгөөч” гэж бичгээр санал болгосон. Гэвч хэлэлцээгүй. Өнгөрсөн хугацаанд УИХ хэдэн удаа чуулсныг иргэд мэднэ. Ажлын хэсэг хуралдах гэхээр огт ирц хүрэхгүй байсан. Ажлын хэсгээс гарсан дүгнэлтийг гишүүдийн туслахуудаар дамжуулж өгсөн. Ингэхдээ “Та нар санал нэг байвал гарын үсэг зур” гэсэн. Ингээд 12 гишүүний найм нь гарын үсэг зурсан. УИХ-д үүнийг танилцуулж, өгсөн. Эдийн засгийн байнгын хороогоор ажлын хэсгийн дүгнэлтийг хэлэлцэх ёстой байсан. Дүгнэлтийн хоёр хэсэг нь нууц, нэг нь ил. Аудит, АТГ-ын нууц дүгнэлтийг өчигдөр хүлээлгэж өгсөн байна лээ.
Эдийн засгийн байнгын хорооны дарга Д.Дамба-Очир энэ дүгнэлтийг Оюутолгойд өгсөн гэж ахлах зөвлөх Мөнхбаяр нь хэлсэн.
Үүнийг хууль хяналтын байгууллага шалгах хэрэгтэй. Эдийн засгийн байнгын хороо хуралдахаас өмнө хэлэлцэх гэж байгаа асуудлыг нь тухайн байгууллага танилцаад судална гэдэг бол байж болохгүй зүйл. Би ажлын хэсгийн дүгнэлтийг ҮАБЗ-ийн гишүүд болон УИХ-ын дарга, Эдийн засгийн байнгын хорооны дарга, ажлын хэсгийн гишүүдэд дүгнэлт өгсөн. Намайг хэтэрхий чанга шалгасан гэж гаднаас буруутгах гэж үзэж байна. Оюутолгойгоос шахах гэж үзсэн. Буруутай этгээд нь хариуцлага хүлээлгэх ёстой”.
Г.Эрдэнэ
Сэтгэгдэл (25)