МАН-ын Хяналтын хорооны өчигдрийн хуралдаанаар УИХ-ын гишүүн Д.Дамба-Очиир, Ш.Раднаасэд нарыг ирэх сонгуулиар МАН-аас нэр дэвших эрхийг нь хассан юм. Уг шийдвэрт ямар байр суурьтай байгааг УИХ-ын гишүүн Д.Дамба-Очироос тодрууллаа.
Тэрбээр “УИХ, Байнгын хорооны дарга нар өөрийн үйл ажиллагааг өдөр тутмын үйл ажилагааг явуулж байна. Бичиг ирдэг, явдаг тэр л зүйлээр явж байна. Оюутолгойтой холбоотой өгөх ёсгүй бичгийг “Рио Тинто”-д өгсөн байна гэж намын гишүүд ярьж байна. Уг бичгийг өгөх өгөхгүй нь УИХ-ын гишүүн, байнгын хорооны шийддэг асуудал. Гэтэл үүнийг шүүнэ гэдэг юу гэсэн үг вэ. Энэ нам чинь комунист нам болчихсон юм уу, юу гэсэн үг вэ. УИХ-ын институцын хийж байгаа асуудалд оролцдог болчихсон юм уу. Хяналтын хорооны дарга нь биднийг дуудаж авчаад намаасаа хөөдөг болчихсон юм уу. Нэртэйгээр нь УИХ-ын гишүүнээс хөөх хэрэгтэй.Тойргийг минь булааж авах гэж байгаа бол түүнийгээ авцгаа. Би сая УИХ-ын даргад хэллээ. УИХ-ын дарга Байнгын хорооны даргын өдөр тутам хийж байгаа үйлдлийг хамгаалах үүрэгтэй. Оюутолгойн бичигтэй холбоотой асуудалд хууль бус зүйл байхгүй гээд Тагнуулын байгууллагаас уржигдар мэдэгдэл хийсэн. Албан ёсны хүсэлт ирсний дагуу албан ёсоор бичгийг нь өгсөн. Гэтэл үүнийг намын нэр хүнд унагаж байна гээд намаас нь хөөх юм байна л даа. Таван жилийн хугацаанд дэмжлэг үзүүлэхгүй гэнэ үү. Тойргийг минь авах юм байлгүй. Би энэ намд 1986 онд элсэж өнөөдрийг хүртэл энэ намтай цуг байна. Энэ хүмүүсийг байхгүй байхад би энэ намд байсан” гэлээ.
Мөн тэрбээр “УИХ-ын гишүүдэд өгөөгүй байж Оюу толгойн эрх ашгийг хамгаалсан гээд байгаа юм. Юу гэж тийм зүйл байх вэ. Аль хоёрдугаар сарын 2-нд бүх гишүүдэд энэ мэдээллийг өгсөн. Буруу зөрүү юм яриад л, ингэж болохгүй. Бүх гишүүдэд материалыг өгсөн. Унших эсэх нь өөрсдийнх нь асуудал. Тавантолгой, Эрдэнэт шалгасан материал дээр байгууллага нь хүсэль гаргавал түүнийх нь дагуу дүгнэлт гаргаж өгөөд тайлбар авдаг. Энэ дагуу л явсан” гэдгийг хэллээ.
Р.Хишигээ
Сэтгэгдэл (12)