ЗГХЭГ-ын дарга Л.Оюун-Эрдэнэ Хөгжлийн банкнаас олгосон зээлнээс 964.1 тэрбум төгрөгийн үлдэгдэлтэй, 19 зээлийг эргэн төлүүлэх шаардлагатай. Эс бөгөөс хууль хяналтын байгууллагад шилжүүлж шалгуулах дүгнэлт гаргасан талаар мэдээллээ. 

Тэрбээр “Засгийн газрын шийдвэрээр Хөгжлийн банканд шалгалт хийх шийвэр гарсан. Үүний дагуу Хөгжлийн банканд хийсэн тайланг бэлэн болгож Хөгжлийн банк руу тайланг явуулж тайлбар авсан. Үүний дараа Засгийн газрын тогтоол гарч Хөгжлийн банканд Засгийн газраас хийсэн шалгалтын мөрөөр авч хэрэгжүүлэх зарим арга хэмжээний тухай 16 дүгээр тогтоол гарсан.

Шалгалтын үр дүнгээс дурдахад, Евро, Чингис, Самуурай бонд голлох эх үүсвэр болж эдгээр бондоос мөнгө авсан байна. Мөн улсын төсвөөс авч зарцуулсан байна. 319 төслийн 1.8 наяд төгрөгийн санхүүжилтийг Улсын төсвөөс гаргасан байна. Өнөөдрийн байдлаар Хөгжлийн банканд зээлээ эргэн төлөөгүй, ноцтой зөрчилтэй зээлдэгч аж ахуй нэгжүүд байна. Тухайлбал, Хөтөл, Монлан цемент зэрэг компаниуд зээлээ эргэн төлөөгүй байна. Арилжааны банкыг санхүүжүүлэх боломжтой 13 жижиг төсөлд нийт 3.4 тэрбум ам.долларын зээлийг олгосон байна.

Энэ нь арилжааны банктай Хөгжлийн банк өрсөлдөж байна. Уг нь 2017 оны хоёр сарын 10 батлагдсан Хөгжлийн банкны хуулиар "Хөгжлийн банкны чиг үүрэг нь Монгол Улсын хөгжилд зайлшгүй шаардлагатай дэд бүтэц болон эдийн засгийн том төсөлийг санхүүжүүлнэ" гэж заасан байдаг. Гэтэл Хөгжлийн банк арилжааны банктай адил хэмжээний бага хүүтэй зээл олгох “соёл” бий болгосноос болж арилжааны банкуудтай өрсөлддөг бага хүү зээл гаргахын тулд лоббид автдаг зүйл ажиглагдсан. Дэлхийн нийтлэг жишгээр хөгжиж байгаа бусад хөгжлийн банкнаас өөр үйл ажиллагаатай явж байна гэж дүгнэлт хийхээс өөр аргагүй байна" гэлээ.

Авсан зээлээ хугацаанд нь талаагүйгээс банкийг хохироосон 964.1 тэрбум төгрөгийн үлдэгдэлтэй, 19 зээлийг эргэн төлүүлэх, шаардлагатай бол хууль хяналтын байгууллагад шилжүүлж шалгуулах дүгнэлт гаргасан.

Тухайлбал:

• Кью Эс Си ХХК-161.5,
• Хөтөл ХХК-161.4 тэрбум,
• Эрэл ХХК-99.5 тэрбум,
• МАК цемент ХХК-166.5 тэрбум,
• Бэрэн групп ХХК-102.4 тэрбум төгрөг,
• Монгол драй милк ХХК-39.4 тэрбум төгрөг,
• Монгема ХХКК-9.9 тэрбум төгрөг,
• Монлаа ХХК-5.6 тэрбум төгрөг гэж мэдүүлжээ . 

Үүнээс гадна тэрбээр “Төрийн ордон мэргэжлийн байгууллагын 17 удаагийн дүгнэлтээр нурахад бэлэн болсон обьект гэдэг нь тогтоогдсон. Энэ асуудлыг хөндөхөөр асар их мөнгөөр Төрийн ордон барих гэлээ гэсэн улс төржилтөөс айж явсаар өнөөдөр орчин үеийн түвшинд хүрсэн өрөө тасалгаанд үйл ажиллагаа явуулах боломжгүй байна. Нэг үгээр хэлбэл Тавантолгойн зэвсгийн агуулахад ямар нэг байдлаар дэлбэрэлт болбол Төрийн ордон нурах эрсдэлтэй. Бид бодит үнэнтэй нүүр тулах ёстой. Тиймээс Засгийн газрын өнөөдрийн хуралдаанд Төрийн ордон нурах дөхөж байгаа учир үүнийг харахгүй юм уу гэдэг асуудлыг танилцуулна” гэсэн юм.

Р.Хишигжаргал