Цэцийн дунд суудлын хуралдаанаар УИХ-ын гишүүн Д.Гантулгыг чөлөөлсөн эсэх асуудал нь Үндсэн зөрчсөн эсэх асуудлаар хуралдаж холбогдох шийдвэрээ гаргалаа. УИХ-ын гишүүн Д.Гантулгын гаргасан хүсэлтийг 2018 оны зургадугаар сарын 14-нд гишүүдийн олонхи дэмжиж, 49 дүгээр тогтоолоор чөлөөлсөн байна. Гишүүн өөр ажилд шилжих болон өөрөө хүсэлт гаргасныг УИХ хүлээн авсан, чөлөөлөх асуудлыг Байнгын хорооны санал дүгнэлтийг олонхийн саналаар чөлөөлнө гэж заажээ. Үүнээс өөрөөр журамласан зохицуулалтыг хуулиар нарийвчлан зохицуулаагүй байна. УИХ-ын гишүүн нь өөрийн сонгогдсон тойрогтоо, нийт ард түмнийг төлөөлдөг. Өөрөөр хэлбэл, УИХ-ын гишүүн тойргоос сонгогддог боловч нийт иргэдийг төлөөлдөг. Ээлжит сонгуулийн дараа нийт гишүүдийн дөрөвний гурав буюу 57 гишүүн сонгогдсон тохиолдолд бүрэн эрхээ хэрэгжүүлнэ гэж үзжээ. Энэ дагуу 49 дүгээр тогтоол нь Үндсэн хууль зөрчөөгүй байна. 

Харин УИХ-аас Хэнтий аймгийн 42 дугаар тойрогт нөхөн сонгууль товлон зарлахдаа Үндсэн хууль зөрчсөн гэж үзжээ.

Хуралдаанд иргэн Г.Нацагдорж, Д.Отгонбат, А.Кадирбек, Д.Ганхуяг, Б.Ууганбаяр нар болон УИХ-ын итгэмжлэгдсэн төлөөлөгч, Улсын Их Хурлын гишүүн Д.Лүндээжанцан, Я.Санжмятав нар оролцсон юм. Нам эвсэлүүд нөхөн сонгуульд оролцохоо илэрхийлсэн бөгөөд энэ сарын 24-28-ны хооронд нэр дэвшигчээ тодруулж, СЕХ-д бүртгүүлэх хуулийн хугацаатай. Ингэснээр нөхөн сонгуулийг товлосон УИХ-ын тогтоол түдгэлзэж байна.

Хуулийн хугацаанд УИХ-ын Цэцийн дүгнэлтийг 15 хоногийн хугацаанд хэлэлцэж шийдвэрлэх учиртай. Хэрвээ УИХ-аас Цэцийн шийдвэрийг хүлээж авахгүй гэж үзвэл Их суудлын хуралдаан болох юм. Их суудлын хуралдаанаас Дунд суудлын шийдвэрээ хэвээр үлдээвэл ирэх сард товлосон нөхөн сонгууль хойшлогдох юм.

С.Сүлд