Хэнтий аймгийн 42 дугаар тойрогт явуулахаар товлосон нөхөн сонгуультай холбоотой Үндсэн хуулийн цэцийн шийдвэрийн талаар МАН-ын Намын байгуулалтын газрын дарга Б.Баярбаатар, МАН-ын Бодлогын газрын дарга Н.Батсүмбэрэл мэдээлэл хийлээ. Тэдний хэлснээр “АН-ын дарга С.Эрдэнэ эрх баригч намын захиалгаар Үндсэн хуулийн цэц шийдвэр гаргалаа гэсэн байж боломгүй зүйл ярьж байна. Энэ сонгуулийг явуулахгүй байх ажиллагааг АН-ын дарга С.Эрдэнэ зохион байгуулж байна.

МАН Бага хурлаа өнөөдөр хийж нэр дэвшигчээ тодруулах байсан боловч хойшлууллаа. Ерөнхий сайд У.Хүрэлсүх нэр дэвших байсан. Улс төрийн намууд янз бүрийн өнгө аясаар эрх барьж буй нам руу дайрч байна. Манай нам сонгуульд оролцоход бэлэн, штабаа байгуулсан. Маргааш сонгууль болсон ч бид оролцоход бэлэн. АН дотроо хоёр хуваагдчихсан. Сонгуулийн ялагдал нь АН-ын даргад хариуцлага тооцох хэмжээнд хүрсэн. Манай намын нэр дэвшигчийн чансаа өндөр байсан учраас сонгуульд ялагдахаа мэдээд айсандаа Цэцэд нөлөөлсөн. Тийм зүйл болсон тухай мэдээлэл нь байна” гэлээ.

С.Сүлд