ХХААХҮ-ийн сайд Ч.Улаан цаг үеийн асуудлаар мэдээлэл хийлээ.

Тэрбээр "Тариалалтад зүтгэх хүчний трактор 3130, үр тарианы үрлүүр 2201, хөрс боловсруулах техник 5740, төмс, хүнсний ногооны үрлүүр 570 ажиллах бөгөөд тариалалтын ажлыг 14-21 хоногт багтаан гүйцэтгэх боломжтой. Тавдугаар сарын 29-ний байдлаар улсын хэмжээгээр 260.0 мянган га дүр тариа, үүнээс 251.0 мянган га-д улаанбуудай, 9.6 мянган га-д төмс, 2.8 мянган га-д хүнсний ногоо, 6.2 мянган га-д малын тэжээл, 13.8 мянган га - д тосны ургамал , нийтдээ 292.4 мянган га-д тариалалт хийснээр үр тариа, төмсний тариалалтын явц 70 орчим хувьтай, хүнсний ногоо 30 хувьтай явж байна. Тариалалтын явц өнгөрсөн жилийн мөн үеэс 10 орчим хувиар доогуур байгаа нь энэ жилийн тавдугаар сар бүхэлдээ хүйтэн сэрүүн, хүчтэй салхи шуургатай байгаа тул тариалалтын ажил удаашралтай явагдаж байна. Түүнчлэн шөнөдөө хүйтэн байгаатай холбоотойгоор хүнсний ногооны үрслэгийг ил талбайд шилжүүлэн суулгах ажил үндсэндээ эхлэж чадаагүй байна. Энэ хаврын тариалалтад зориулан 242 аж ахуйн нэгж, иргэнд 10.3 мянган тонн үрийн буудайг 30 хувийн, 383 аж ахуйн нэгж, иргэнд 1.6 мянган тон 62 тонн ургама шатахууныг 50 хувийн, 250 гаруй аж ахуйн нэгжв, иргэнд хамгааллын бодисыг 30 хувийн урьдчилгаатай тус тус зээлээр олго тариалалтын ажилд дэмжлэг үзүүлээд байна" гэлээ.

Мөн ЖДҮ эрхлэгчдэд зориулсан хөнгөлөлттэй зээл олгох, төсөл сонгон шалгаруулах ажил орон даяр эхэлснийг дуулгаад он гарсаар буюу тавдугаар сарын хугацаанд ЖДҮХС, ТЭДС, Мал хамгаалах сангаас авсах зээлийн 40 тэрбум гаруй төгрөгийн өрийг барагдуулсныг хэллээ. Мөн Сангийн яамнаас авсан зээлийг эргүүлэн төлүүлж байж дараагийн зээлийг олгох хатуу шаардлага тавьж байгааг ч мөн онцлон хэлж байлаа. Мөн энэ оны эцсээр 260 тэрбум гаруй төгрөгийн авлагатай байгаа аж. Үүнээс УИХ-ын гишүүн болоод дээд албан тушаалтны хамаарал бүхий 34 аж ахуй нэгж 18.4 тэрбум төгрөгийн зээл авсан байгаагаас 12.4 тэрбум төгрөгийн зээлийн эргэн төлөлт хийгдсэн байна. Үлдсэн зээл, аж ахуй нэгжүүд журамд тусгасны дагуу зээлээ эргэн төлж байгаа аж. Үүнээс гадна олон нийтийн оролцоог тэгш хүртээмжтэй хангах, төсөл сонгон шалгаруулах үйл явцыг ил тод нээлттэй зохион байгуулахаар төсөл сонгон шалгаруулах журмыг шинэчлэн баталсан билээ. Уг журмын дагуу Зээлийг хүртээмжтэй болгох үүднээс сангаас шууд олгох зээлийн хэмжээг 20.0-300.0 сая төгрөг хүртэл, арилжааны банкаар дамжуулан олгох зээлийн хэмжээг орон нутагт 20.0-200.0 сая төгрөг, Улаанбаатар хотод 300.0-1,000.0 сая төгрөг хүртэл олгохоор тогтоосон байна.

Р.Хишигээ