Өнгөрсөн амралтын өдрүүдэд цаг агаарын таагүй нөхцөл байдлаас үүдэж Төв аймгийн Лүн сум Баянхангай орчим үер болж дөрвөн настай хүүхэд амиа алдсан харамсалтай хэрэг гарав. Үүнээс үүдэж Лүнгийн гурав орчим км эвдэрсэн замыг хааж, зорчигчдын аюулгүй байдлыг хангаж, түр хугацаанд хязгаарласан юм. Энэхүү байгалийн давагдашгүй хүчин зүйлд малчдын олон тооны мал хорогдож, нэг хүний амь эрсэдсэн юм.
Үүнтэй холбогдуулж, нийгмийн сүлжээнд хэн нэгэн, өөр бусаддаа сануулсан сэрэмжлүүлгийг өгч байна. Гэхдээ эндээс нэг зүйл харагдаж байна. Тэр нь Төв аймгийн тэр дундаа Лүн сумын Нутгийн зөвлөлийнхөн хаачив. Энэ сумаас Төрийн шагналт нэг, Хөдөлмөрийн баатар нэг, гурван ардын жүжигчин, таван гавьяат төржээ. Үүнээс гадна хүний гавьяат эмч, хөгжмийн зохиолч хүртэл төрсөн байх. Гэтэл ийм алдартнуудтай аймаг, сумдынхан өнөөдөр хаачив. Ялангуяа тэндээс төрсөн улстөрч, бизнесмэнүүд.
Жишээ нь, Ардын хувьсгалын 92 жилийн ойн баяр наадамд Төв аймгийн Баянхангай сум /Атарын сангийн аж ахуй/-ын харьяат, “Дүнжингарав” дэвжээний бөх Б.Батмөнх Улсын харцага /одоогийн аварга/ долоо давж Заан цол хүртсэний дараа түүний төрсөн нутаг Баянхангай суманд нижгэр найр болж байлаа. Уг наадмын үеэр Төв аймгийн нутгийн зөвлөлөөс шинэ зааны амжилтыг мялааж, “Land 200” маркийн, алтлаг өнгийн автомашин гардуулж, сумынх нь зүгээс суурь хонь, азарга адуугаар залуу бэлэг барьж байжээ. Харин өнөөдөр түүний төрөлх нутаг Баянхангай суманд үүссэн байгалийн гамшигтай холбогдуулж Нутгийн зөвлөл нь дуугарахгүй байгаа нь сонин.
С.Сүлд
Сэтгэгдэл (12)