ЗГХЭГ-ын дарга Л.Оюун-Эрдэнээс Хөгжлийн банкнаас зээл аваад эргэн төлөөгүй ноцтой зөрчилтэй найман компани талаар тодрууллаа. Тэрбээр "7-8 компанид эргэн төлөлтийн график хийгдсэн. Энд нэгдүгээрт, хугацааг нь сунгах уу, үгүй юу гэдэг асуудал үүснэ. Хоёрдугаарт, тухайн компани эргэн төлөх нөхцөл үүсэх үү гэдэг асуудал. Өөрөөр хэлбэл, тухайн компани нь борлуулалтыг харна гэсэн үг. Зээлээ огт төлөөгүй компани бий. Тухайлбал, "Хөтөл" ХХК, “Кью Эси” компанитай холбоотой асуудлыг АТГ болон бусад холбогдох байгууллагад шилжүүлнэ. Хууль хяналтын байгууллага хуулийн хүрээнд ажиллах байх. "Эрэл" компанитай холбоотой асуудлаар уулзсан. Эргэн төлөлтийн график зөрчигдсөн. Гэхдээ зээлийн эргэн төлөх ерөнхий зорилго нь сайн. Тодруулбал, дэлхийн хэмжээний томоохон стандартыг нэвтрүүлж блок үйлдвэрлэж угсрах үйлдвэр юм. Тиймээс улсад стратегийн ач холбогдолтой юу, үгүй юү гэдгийг тодорхой болгоно. Хэрвээ стратегийн хувьд ач холбогдолтой гэж үзвэл, Хөгжлийн банкны зээлийг эргэн төлөх замаар төрийн өмчид үйлдвэрийн газар болгох асуудал яригдана. Эсвэл хугацааг нь сунгаж эргэн төлөлтөө хийх хэрэгтэй гэдэг зүйл яригдаж байх. Гэхдээ Засгийн газар “Хөгжлийн банк”-ны дотоод үйл ажиллагаанд энэ шалгалтаас хойш шууд оролцохоо больсон" гэлээ.

Р.Хишигжаргал