Засгийн газрын өнөөдрийн хуралдаанаар гарсан шийдвэрийн талаар ЗГХЭГ-ийн дарга Л.Оюун-Эрдэнэ мэдээлэл хийлээ.
“Засгийн газрын өнөөдрийн хуралдаанаар зайлшгүй ач холбогдолтой гэж үзэж болохуйц гэрээнүүдийг авч үлдэж бусад концессын гэрээг цуцлах ёстой гэсэн шийдвэр гаргасан. Жишээлбэл, Алтанбулаг-Замын-Үүд чиглэлийн автозамын концессын гэрээ зэрэг хэд хэдэн концессыг цуцаллаа. Аж ахуй нэгжүүд гэрээ байгуулснаас хойш асар их хугацаа өнгөрөөд байхад ажил эхлээгүй тул гэрээг цуцалж байна. Мөн гангийн үйлдвэр барих, Хөтлийн цементийн үйлдвэр барих концессын гэрээг цуцаллаа. Үүнээс гадна концессын гэрээгээр бага сургууль, цэцэрлэг барих ажлыг цуцлах хэрэгтэй гэж үзлээ. Стратегийн ач холбогдолтой концессын гэрээ бий. Үүнийг үргэлжлүүлэх ёстой гэж үзсэн” гэлээ.
Тэрбээр мөн ЗГХЭГ-ын тэргүүн дэд даргаар төрийн өмчийн бодлого зохицуулалтын газрын дарга Б.Ганбатыг томилсон гэдгийг хэлсэн хэлсэн юм.
Р.Хишигжаргал
