Улсын Дээд шүүхийн шүүгч нарыг огцрохыг шаардаж Иргэний нийгмийн байгууллагаас мэдээлэл хийлээ. Тэд энэ сарын 25-28-ны өдрүүдэд Улсын Дээд шүүхийн гадаа жагсахаар болжээ.

Энэ талаар иргэн С.Батдэлгэр “Цэвэр ариун шүүхгүй болсон гэдгийг олон нийт, төр засаг нь хүртэл хүлээн зөвшөөрч байна. Тиймээс шударга бус шүүгчдийг огцрохыг шаардахгүй бол бидний -30 хэмд хийсэн хоёр тэмцэл ямар ч үр дүнгүй болох гээд байна. Гүйцэтгэх засаглал, хууль хяналтын байгууллагын эрх мэдлийг сольж, өөрчлөлт оруулсан ч шүүх дээр ямар ч өөрчлөлт орсонгүй. Ерөнхий шүүгч Ц.Зориг албан тушаалаасаа огцорсон боловч шүүгч хэвээр байна. Мөн Ерөнхийлөгчийн томилсон ерөнхий шүүгчийн томилолт эргэлзээтэй байна” гэв.

“Захиалгыг гүйцэтгэдэг, мөнгөтэй хүмүүст үйлчилдэг, хууль зөрчдөг, үндэслэлгүй хөрөнгөждөг шүүгч нар байхад шүүхийн өөрчлөлт явахгүй байна. Тиймээс үр дүнд хүргэхийн тулд шүүхийг шүүх шаардлагатай байна. Үүний тулд хуульд өөрчлөлт оруулах хэрэгтэй” хэмээн иргэн Д.Энхбат хэлсэн юм.

Тиймээс шүүх дээр ямар нэгэн асуудалтай хүмүүс хүрэлцэн ирж бидний зохион байгнуулж байгаа арга хэмжээнд ирж оролцоорой. Мөн нээлттэй микрофоноор өөрийн санал бодлоо хэлж болно. Энэ жагсаал нь дээд шүүхийн шүүгч нарыг бүрэлдэхүүнээр өөрчлөх тэмцэл гэлээ.

Б.Лхам