АН-ын зөвлөл өнөөдөр хуралдлаа.

Хурлаар Үндсэн хуульд нэмэлт, өөрчлөлт оруулах тухай хоёрдугаар хэлэлцүүлэгт АН оролцох шаардлагагүй гэж үзсэн байна. Энэ талаар АН-ын зөвлөлийн Д.Эрдэнэбат “Үндсэн хуульд нэмэлт, өөрчлөлт оруулах нэгдүгээр хэлэлцүүлэгт АН  оролцоогүй. Өөрсдийн байр сууриа тодорхой илэрхийлсэн. Хоёрдугаар хэлэлцүүлэгт оролцох эсэхээ иргэдийн байр суурийг сонсож байж шийдэхээр хүлээсэн. Хэд хэдэн зүйлийг тодорхой болгох нь зүйтэй болов уу. Үндсэн хуульд нэмэлт, өөрчлөлт оруулах тухай асуудал пи ар дээр тогтож байна. Иргэд үүнийг харж, мэдэрч байгаа байх. Орон нутагт хуульд нэмэлт өөрчлөлт, оруулах тухай асуудлаар мэдээлэл алга. Иргэд мэдээлэлгүйгээс болж төдийлөн ач холбогдол өгөхгүй байна. Иргэд ямар өөрчлөлт оруулах гэж байгааг мэдэхгүй байна. Үүнээс болж асууж, мэдэхийг, хүссэн зүйл нь тодорхой бус байна. Дээр нь ёс зүйгүй эрх баригчдаар Үндсэн хуульд гар дүрүүлэх ёсгүй гэсэн. Нөгөөтэйгүүр, огт мэдээлэлгүй байж яаж санал асуулгад оролцох юм бэ гэж байна. Өөрөөр хэлбэл, мэдээлэлгүй иргэдийг хүчээр санал асуулгад оролцуулж байна. Тиймээс АН-ын зөвлөл хуралдаж, асуудалд тодорхой хандах нь зүйтэй гэж үзлээ.

Үүнд, нэгдүгээрт,  УИХ-ын чуулган, байнгын хорооны хэлэлцүүлгийг хойшлуулах нь зүйтэй. Учир нь иргэдийг мэдээлэлжүүлэх хэрэгтэй байна. Зохион байгуулалтад оруулах нь зүйтэй.

Хоёрдугаарт, энэ бүх зүйл дээр ард иргэдийн саналд тулгуурлаж, АН энэ хэлэлцүүлэгт оролцохгүй байхаар шийдсэн.

Энд нэмэлтээр ярих зүйл бий. Явцын дунд АН-ын гишүүд өөрсдийн байр сууриа илэрхийлнэ. Яг үнэндээ ардчилсан тогтолцооны суурь зарчмыг эвдсэн маш олон концевц багтсан. Долдуулсан долоон заалтыг өөрчлөх нь зөв. Бусад өөрчлөлтийг оруулах нь хэрэггүй гэдгийг иргэдийн санал харуулж байна.

УИХ-ын гишүүн О.Баасанхүү: “Иргэдийн зүгээс хэлэлцэх ёстой асуудлыг хаясан байна гэж байна. Тодруулбал, давхар дээлний асуудал байна. 64 гишүүний 39 нь ЖДҮ-чин. Үлдсэн хэд нь гэмт хэрэгт холбогдсон. Үүнийг иргэд мэднэ. Ийм хүмүүсийн гараар батлагдах гэж байгаа хуульд иргэдийн хүссэн заалт огт тусгагдаагүй. Тиймээс энэ бол ард түмний МАН-ын хууль болж хувирна.

Зөвхөн нэг намд үйлчлэх, байр суурийг илэрхийлсэн хууль болж хувирлаа” гэлээ.

Г.Нацаг