Үндсэн хуулийн өөрчлөлтийн төслийн хэлэлцүүлгийн дараа хэлэлцэж байгаа асуудалтай холбогдуулан ажлын хэсгийнхэн асуултад хариулт авсан юм. Энэ үеэр ЕТГ-ын дарга З.Энхболд “Шүүгчийг гаргасан шийдвэртэй нь холбогдуулан мөрдөн байцааж болохгүй. Ерөнхийлөгч өөртөө эрх мэдэл нэгийг ч нэмж аваагүй. Одоогийн Үндсэн хуулиар шүүгчийг томилж, чөлөөлөх бүх эрх нь байгаа. Бүх насаараа авилга авч болно, найз нар нь шүүгч юм чинь ял авахгүй гэдэг итгэл үнэмшилтэй шүүгч нарт байна. Ийм шүүгч нар зайлах ёстой.

17 шүүгч нарыг түдгэлзүүлсэн, удахгүй хариу гарна.

Монголын төр шүүгч нарт хэнийг ч авдаггүй цалинг өгсөн. Мөрдөн байцаалтаас хол байх эрхийг нь хүртэл өгсөн. Гэтэл хариуд нь ганцхан Салхитын мөнгөний орд гэдэг хэрэг дээр хэдэн сая ам.долларын авлига аваад "ком"-оороо явж байна. Анхан шат, давж заалдах шат, хяналтын шатаараа үгсэж байгаад хонгил үүсгээд авлига авсан нь шалгагдаж байна. Ийм учраас шүүгчийн сахилгын хороог байгуулна" гэв.

Г.Алимаа