С.Зоригийн амь насыг хөнөөсөн хэргээр ял эдэлж буй ялтан Т.Чимгээ, Б.Содномдаржаа нарыг эрүүдэн шүүсэн, гүйцэтгэх ажлын журам зөрчсөн хэргээр ТЕГ-ын дарга асан, хошууч генерал Б.Хурц нарын есөн иргэнд холбогдох хэргийг прокурорт буцаалаа.

Шүүх хуралдаан Төв аймаг дахь Сум  дундын Эрүүгийн  хэргийн анхан шатны  шүүхэд  зургаа дахь өдрөө үргэлжилж, нэмэлт мөрдөн байцаалт хийлгэхээр прокурорт буцаах шийдвэр гаргасан байна.

Шүүх хуралд Төв аймгийн Ерөнхий шүүгч Ц.Отгонжаргал шүүгч, Ю.Энхмаа, Ж.Батжаргал нар ажилласан бол Б.Булган, ялтан Т.Чимгээ, Д.Содномдаржаа нар хохирогчоор, ялтан Ц.Амгаланбаатар болон Б.Итгэлтөгс нар гэрчээр оролцсон юм.

Б.Хурц нарын есөн иргэнийг Эрүүгийн хуулийн тусгай ангийн 133 дугаар зүйлийн 133.1, 251 дүгээр зүйлийн 251.1 тус тус зүйл ангиар буруутгаад байсан юм.

Г.Нацаг