УИХ дахь МАН-ын бүлэг өнөөдөр Үндсэн хуулийн нэмэлт өөрчлөлтийн асуудлаар зургаа дахь өдрөө хуралдлаа. Өнөөдрийн хурлын талаар тус бүлгийн дарга Д.Тогтохсүрэн мэдээлэл өглөө.
Тэрбээр “Бүлгийн хурлаар Үндсэн хуулийн нэмэлт өөрчлөлтийн асуудлаа ярьж байна. Энэ сарын 15-ны бүлгийн хуралдаанаар Ерөнхийлөгч болон АН-тай зөвшилцөх санал гарсан. Өчигдөр АН-аас албан ёсоор 25 санал ирүүлсэн. 17 саналыг нь хүлээн авах боломжтой санал гэж үзсэн. УИХ-ын гишүүдийн болон Ерөнхийлөгчийн саналтай нэгтгэж болохоор санал байсан.
Тухайлбал парламентын тогтолцоог боловсронгуй болгох чиглэлээр оруулсан өөрчлөлтийг дэмжсэн. Найман санал нь огт өргөн баригдаагүй санал. Тиймээс хэлэлцэх боломжгүй гэж үзсэн. АН-ын зөвлөлийн зүгээс хэд хэдэн асуудлаар албан ёсны байр сууриа илэрхийлэхээр хуралдаж байна. Зөвлөлийн шийдийг хүлээж, хурал завсарлалаа. Дээр нь Ерөнхийлөгчтэй зөвшилцөх асуудал бий. Хүлээж авахад хүндрэлтэй асуудал бий. Тухайлбал, Ерөнхийлөгчийг парламентаас сонгох, олон улсын шүүх байгуулах зэрэг саналуудыг хүлээж авах боломжгүй. АН-ын зүгээс сонгуулийн тогтолцоог холимог байхаар ярилцаж байна. Өмнө нь манай 62 гишүүний төсөлтэй холбогдуулаад ажлын хэсэг, Төрийн байгуулалтын байнгын хороон дээр явагдсан хуралдааны үеэр УИХ-ын гишүүнийг хууль зөрчсөн тохиолдолд эргүүлэн татдаг болгох заалтыг дэмжсэн. Энэ саналыг тусгагдсан гэж үзэж байна.
Шүүхийн асуудлыг ярьж байна. Эцэслээгүй байна.Энэ сарын 22-нд оруулах байх. Үндсэн хуулийн нэмэлт, өөрчлөлтийг ард нийтээр санал асуулга явуулбал Оюутолгойн асуудоыг ярилцах байх” гэлээ.
Г.Нацаг
Сэтгэгдэл (3)