Ц.Мянганбаярыг монголчууд мэднэ. Байсхийгээд шар сонины хуудаснаа зураг хөрөгтэйгөө, хэн нэгэн загвар өмсөгчтэй залардаг байсныг эс тооцвол. Одоо ч тэр түүх хуучиржээ. Гэтэл Ерөнхий сайд У.Хүрэлсүхийн далайсан хариуцлагын сэлэмний хуйд Ц.Мянганбаяр хэмээх эрхэм өртөв. Түүний эзэмшил бүхий тусгай зөвшөөрөлд Засгийн газар “Аянга” буулгажээ.
Тодруулбал, “Арын сайхан хангайг 10 жил хууль бусаар ухаж "БУЛШНЫ НҮХ" болгосон Ц.Мянганбаярын "Монгол газар" болон түүнийг өнгөлөн далдлах ах дүүсийнх нь компаниудын "БҮХ" тусгай зөвшөөрлүүдийг "ЦУЦАЛЛАА". Үүний ард 8 УИХ-ын гишүүн хамааралтай гэх. Архангайн цуцлагдсан 13 тусгай зөвшөөрөлтэй газрууд Өлзийт тээл-2422 га, Өлийн гол-373 га, Шийртийн салаа-173 га, Өлийн голын адаг-539 га, Бодонтын ам-739 га, Гүүтийн ам-114 га, Харгуйтын ам-323 га, Өлзийт тээл 2 - 1652 га, Улаан чулуут - 144 га, Ястын гол - 366 га, Ар чулуут 1 - 141 га, Өлийн гол 1 - 1417 га, Гүүтийн амны адаг - 49 га тус тус газрыг хураажээ. Өөрөөр хэлбэл, түүний эзэмшиж асан тусгай зөвшөөрлийг нийтэд нь цуцалсан нь энэ байв.
Засгийн газрын хэвлэлийн албанаас мэдэгдсэнээр төр түүнээс байгалд учруулсан бүх хохирлоо нэхэж, шүүхэд өгөх болсноо мэдэгджээ. Гол нь нөхөн төлбөр нь хэдий орчим төгрөгөөр хэмжигдэх бол? Архангай аймаг 55 мянган км квадрат газар нутагтай. Харин Ц.Мянганбаярын эзэмшлийн газар нь 8452 га талбай. Нэг үгээр хоёр сумын газар нутгийн хэмжээтэй тэмцэхүйц талбайд тэрбээр тусгай зөвшөөрөл эзэмшдэг байсан хэрэг.
Г.Эрхэс
Сэтгэгдэл (31)