УИХ-ын гишүүн З.Баянсэлэнгэ, МАХН-ын гишүүд Б.Батболд, М.Амартүвшин, Я.Мөнхсайхан, Д.Шонхоо нарт холбогдох шүүх хурал өнөөдөр Чингэлтэй дүүргийн шүүхийн Эрүүгийн танхимд өнөөдөр болж, 4.30 минут үргэлжиллээ. Улсын яллагчийн зүгээс шүүгдэгчдэд 1.6 жилийн хорих ял төлөвлөснөө дуулгасан боловч шүүх бүрэлдэхүүн хэргийг хянан хэлэлцэж, хэргийг хэрэгсэхгүй болгосон байна. Хуралд шүүгчээр И.Ганбат, улсын яллагчаар Ц.Хашбаатар нар оролцов.
    УИХ-ын гишүүн З.Баянсэлэнгэ, МАХН-ын гишүүд Б.Батболд, М.Амартүвшин, Я.Мөнхсайхан, Д.Шонхоо нарт холбогдох шүүх хурал өнөөдөр Чингэлтэй дүүргийн шүүхийн Эрүүгийн танхимд өнөөдөр болж, 4.30 минут үргэлжиллээ. Улсын яллагчийн зүгээс шүүгдэгчдэд 1.6 жилийн хорих ял төлөвлөснөө дуулгасан боловч шүүх бүрэлдэхүүн хэргийг хянан хэлэлцэж, хэргийг хэрэгсэхгүй болгосон байна. Хуралд шүүгчээр И.Ганбат, улсын яллагчаар Ц.Хашбаатар нар оролцов.
    Тэднийг өнгөрсөн оны арваннэгдүгээр сард Нийслэлийн прокурорын газрын хяналтын прокурор О.Мөнхбаатарын биед халдан, хуулиар хүлээсэн үүргээ гүйцэтгэж байхад нь хүч хэрэглэсэн гэсэн үндэслэлээр Эрүүгийн хуулийн 230 дугаар зүйлийн 230.1, 245.1-д зааснаар буруутган шүүсэн юм.
    Хэргийг сануулбал, Өнгөрсөн оны арваннэгдүгээр сарын дундуур экс Ерөнхийлөгч Н.Энхбаярын туслах Б.Тулгыг УМБГ-аас баривчилсан. Тэрбээр Н.Энхбаярыг Ерөнхий сайд байхаас нь хойш буюу таван жил шадар туслахыг нь хийсэн юм. Энэ  утгаараа түүнийг Н.Энхбаярын гэгдэх “Ремит” ХХК-ийг үүсгэн байгуулж, “Өргөө зочид” буудлыг хариуцан ажиллуулж, хувьчлахад гар бие оролцсон гэсэн үндэслэлээр саатуулсан билээ. Б.Тулгыг саатуулсны дараа Б.Батболд, З.Баянсэлэнгэ, М.Амартүвшин, Я.Мөнхсайхан, Д.Шонхоо нарын хүмүүс түүнийг суллахыг шаардаж, нийслэлийн прокурорын газрын өмнө удаа дараалан жагсаал зохион байгуулж байсан юм. Тэгэхдээ прокурор О.Мөнхбаатарын биед халдсан хэмээн буруутгагдсан байна.