УИХ-ын ээлжит бус чуулганы нэгдсэн хуралдаанаар Үндсэн хуулийн нэмэлт, өөрчлөлтийн тухай хуулийн төслийн хоёр дахь хэлэлцүүлгийг хийж байна. Хуралдаанд 52 гишүүний ирцтэйгээр эхэлсэн юм. Харин УИХ дахь АН-ын зөвлөлийн гишүүд өмнө нь илэрхийлж байсан байр суурьтаа зогсож чуулганы нэгдсэн хуралдаанд оролцсонгүй.

Харин УИХ-ын гишүүн О.Баасанхүү Үндсэн хуулийн нэмэлт, өөрчлөлт оруулах тухай хуулийн төсөлд оруулахаар тусгасан зарим заалтыг ард түмнээсээ асуухыг шаардаж, улс төрийн тохиролцоо наймааны хэрэгсэл болгохоо зогсоох тухай самбарыг чуулганы нэгдсэн хуралдаааны танхимын үүдэнд  байршуулаад байна.

Үндсэн хуулийн нэмэлт, өөрчлөлтийг хэлэлцэж байгаатай холбогдуулж УИХ-ын дарга Г.Занданшатар хүндэтгэн үзэх шалтгаангүйгээр ирээгүй байгаа гишүүдийн нэрсийг зарласан юм.  Тэдгээрт Н.Амарзаяа, Х.Болорчулуун, Б.Пүрэвдорж, А.Ундраа, Ж.Ганбаатар Б.Мурат, Д.Хаянхярваа, Ж.Батзандан, Ц.Даваасүрэн, Я.Санжмятав, Б.Наранхүү, С.Эрдэнэ, З.Нарантуяа, Ч.Улаан, Л.Болд, Б.Жавхлан нар багтаж байна.

С.Сүлд