ЗГХЭГ-ын дарга Л.Оюун-Эрдэнэ өөрийн сонгуульд ажилласан н.Энхбаатарыг МИАТ-ийн дэд захирлаар томилуулахыг дэмжсэн бичиг хүргүүлсэн тухай мэдээлэл гарсан. Үүнтэй холбогдуулан тэрбээр сэтгүүлчдийн зарим асуултад хариулт өглөө. 

Тэрбээр “УИХ-ын гишүүд ямар нэг байдлаар томилгоонд оролцдог нь нууц биш. Ямар түвшинд, хэрэгжсэн үү, үгүй гэдэг асуудал бий. Үүнийг бүхэлд нь шийдэх ёстой. Их хурлын гишүүдээс бичиг авч томилгоо хийх нь буруу. Тухайн үед ямар учраас ийм байдлаар томилгоо хийснийг тухайн үеийн удирдлагуудаас асуух ёстой.

Намайг бичиг явуулсан гэдэгт би тайлбар хийсэн. Үүнийгээ тодруулж байна.

60 тэрбумтай холбоотой асуудал удаан хугацаанд яригдаж байна. Үүнийг буруу гэж би мэдэгдэж байсан. Хэрвээ би буруутай бол хариуцлага хүлээхэд бэлэн. Ц.Сандуй ярилцлага өгсөн. Ном бичиж байгаа юм байна гэж ойлгосон. 60 тэрбумын хэрэг хаагдсан байсан. Эргэж сэргээгдсэн. Шүүхэд шилжиж байна гэж ойлгосон. Гэхдээ шүүхэд шилжиж үед Ц.Сандуй яагаад мэдэгдэл хийв. Өмнө нь байр суурь илэрхийлэх боломж олон байсан. Эндээс энэ хэрэг замхрах шатандаа орсон юм биш биз. Би ингэж харсан. Намайг байсан. Намайг зохион байгуулсан гэж хэлсэн. 2014 оны 8-9 сарын хооронд бичигдсэн бичлэг.

Би энэ үед Монголд байгаагүй.

Нөгөөтэйгүүр, хэрвээ би байсан юм бол бичлэг дэх хүмүүсийн дуу хоолойг би дуурайсан болж таарах гээд байна шүү дээ. Тиймээс энэ хэрэг замхрах шатандаа орж гэж би хардаж байна. Энэ агууллагаас нь та бүхэн хараасай. Миний өмнө нь хэлсэн бүх зүйл баримттай зүйл. Гэтэл эргээд харахад попордог юм шиг харагдаж байх жишээний. Над шиг АТГ, прокурор, тагнуулын даргатай муудалцаж байсан тэнэг хүн ховор байх. 

Г.Алимаа