Улсын баяр наадмын барилдаанд зодоглосон хэд хэдэн бөх допинг хэрэглэсэн нь шинжилгээгээр батлагдсан. Тэгвэл уг асуудлыг Үндэсний хорооны маргаашийн хуралдаанаар авч хэлэлцэхээр болсон байна. Энэ талаар Монгол улсын Шадар сайд Ө.Энхтүвшин "Бид хэдэн зүйл хүлээж байсан. Допинг хэрэглэсэн хоёр бөхийн нэг нь био сорьц өгөхгүй гэсэн.

Сорьц өгсөн бөхийн хариу ирсэн. Оюунболд аварга хуулийн байгууллагад хандсан байсан. Зарим нь үндэслэл нь буцаагдаж байгаа юм билээ. Тиймээс Үндэсний хорооны маргаашийн хурлаар энэ асуудлыг авч хэлэлцэнэ. Энэ хурлаар Үндэсний бөхийн салбар хорооны саналыг авч хэлэлцэнэ. Эндээс цол хураах, барилдах эрхийг хасах, унасан бөхчүүдийн давааг ахиулах зэрэг асуудлыг Ерөнхийлөгчид өргөн барина. Ерөнхийлөгч өөрөө шийдэх байх" гэлээ.

Г.Эрдэнэ