УИХ-ын дарга Г.Занданшатар Санхүүгийн зохицуулах хорооны дарга С.Даваасүрэн, Монголбанкны ерөнхийлөгч Н.Баяртсайхан нарыг хүлээн авч уулзаж, холбогдох асуудлаар байр сууриа илэрхийлжээ. Монгол Улсын санхүүгийн салбарын бодлогыг зангидах эрх бүхий хоёр байгууллагын удирдлагатай хийсэн уулзалтын уур амьсгал ФАТФ-аас манай улсыг "Саарал жагсаалт"-д оруулсан талаар чиглэжээ.

Энэ хүрээнд "Монголын эдийн засаг, банк санхүүгийн салбарт өсөлттэй, дэвшилт гарсан нь эдийн засгийн өсөлтөд нөлөөлсөн. Гэвч "Саарал жагсаалт"-д орсон. Монгол Улс бол "Саарал жагсаалт"-д орсон 12 оронтой харьцуулахад дайн дажингүй, зэр зэс наймаалцдаггүй. Нийгэм, эдийн засгийн байдал сайжирч байхад энэ жагсаалтад орсон нь албан тушаалтнууд ажлаа хийж чадаагүйтэй шууд холбоотой. Тиймээс хариуцлага алдсан, улс орны өмнө тулгамдсан асуудал үүссэн учраас Монголбанкны ерөнхийлөгч болон Санхүүгийн зохицуулах хорооны дарга нарт хариуцлага тооцно" гэжээ.

С.Сүлд