Чөлөөт бүсийн тухай хуульд өөрчлөлт оруулах тухай хуулийн төслийг УИХ-ын чуулганы өнөөдрийн хуралдаанаар хэлэлцэж байна. Хэлэлцэж байгаа асуудалтай холбогдуулан гишүүд асуулт асууж, хариулт авлаа.

Энэ үеэр УИХ-ын гишүүн О.Баасанхүү “Чөлөөт бүс байгуулдаг. Гэтэл үндэсний эрх ашигт сөргөөр нөлөөлөх вий. Монголыг устгах эрсдэлтэй юм биш биз. Хятаджах вий. Хятадын бодлогоос ангид байх гэж тэмцэж ирсэн түүхэн сургам бий шүү. Үүнийг Шадар сайд Ө.Энхтүвшин та бодож үзсэн үү” гэсэн юм.

Үүний хариуд Шадар сайд Ө.Энхтүвшин “Чөлөөт бүсээр орж ирсэн гаднын иргэд зөвхөн чөлөөт бүсийн талбайд л нэвтрэх эрхтэй. Түүнээс цааш нэвтрэхгүй. Үүний ялгааг ойлгохыг хүсэе. Тэгээд ч намайг энэ асуудлыг шийд гээд Шадар сайдаар томилоо биз дээ. Би энэ асуудлыг шийдэх гээд хичээж л байна шүү дээ, гишүүн ээ” гэсэн юм.

УИХ-ЫН ГИШҮҮН Ц.ГАРАМЖАВ: Чөлөөт бүстэй холбоотой асуудалд зарим улс орнууд чөлөөт бодлого баримталж ажилладаг юм билээ. Хилээ нээсэн тохиолдол ч байдаг. Гэтэл манай улсад энэ асуудал 20 гаруй жил яригдсан. Гэтэл бүтэлтэй зүйл бараг алга. Хил хаалттай байхад хар тамхи, хууль бус наймааны асуудал олноор гарч байна. Гэтэл хилийн бүсэд чөлөөт бүс нээчихээр  энэ асуудал гаарахгүй гэх баталгаа бий юү. Үүнээс хэрхэн урьдчилан сэргийлэх бэ. Хилээ нээчихдэг. Гэтэл дагаад гэмт хэргийн гаралт нэмэгдэх юм биш биз. Өнгөрсөн хугацаанд 60 сая ам.доллар зарцуулсан гэсэн. Үүгээр юу хийсэн бэ. Одоо дахиад 30 сая ам.доллар зарцуулна гэлээ.Энэ мөнгийг юунд зарцуулах юм бэ. Үнэхээр хилийн бүс аюулгүй байж чадах уу.

ШАДАР САЙД Ө.ЭНХТҮВШИН: Хар тамхины асуудлыг анхаарах асуудал мөн. Бид сайн бодсон. Гэрээний эхийг бид өөрсдөө боловсруулсан. 60 гаруй хүн үүнд оролцсон. Хятадын талаас манай төсөл дээр зургаан сар ажиллаад саналаа нийлүүлсэн. Хятадаас бооцоот тоглоомын үйл ажиллаагаа явуулахгүй шүү гэсэн болзол тавьсан. Бид үүнийг нь хүлээж авсан. Өөр өөрсийнхөө чөлөөт бүс доторх асуудаа өөрсдөө хариуцна Хэлэлцээрт Ч.Улаан сайд гарын үсэг зурсан. Соёрхох үлдсэн. 60 сая ам.доллараар дулааны станц, ус цэвэршүүлэх байгууламж, цэвэрлэх байгууламж, зам, гэрэлтүүлэг, дэд бүтцийг барьсан. Зээл аваад босгочихсон. Гэтэл ашиглаж чадахгүй өдий хүрлээ. Эднийг зөвхөн чөлөөт бүсдээ хэрэглэхгүй. Иргэн, ААН ашиглана. 30 сая ам.доллар дээр Азийн хөгжлийн банк хамтарна гэсэн. Замын-Үүд сумын чөлөөт бүсийн 900 га талбайгаас 300 гаг нь эхний ээлинд ашиглана.

УИХ-ЫН ГИШҮҮН Ц.ГАРАМЖАВ: Алтанбулаг чөлөөт бүс дээр юу хийгдсэн бэ. Уг нь эдийн засгийн томоохон хөшүүргэ шүү дээ. Энэ яасан бэ. Би хар тамхины асуудлаас болгомжилж байна. Чөлөөт бүс дээр цэцэглэдэг асуудал шүү дээ.

ХХЕГ-ЫН ДАРГА, ХИЛИЙН ЦЭРГИЙН КОМАНДЛАГЧ, ХОШУУЧ ГЕНЕРАЛ Ц.СЭРГЭЛЭН: Чөлөөт бүсийн нутаг дэсвгэр дээр тухайн улсын хууль тогтоомж үйлчилдэг. Гэмт хэрэгтэй тэмцэх чиг үүрэг бүхний хууль хяналтын байгууллагууд бүгд ажиллана. Чөлөөт бүсээр нэвтрэх хязгаар хоёр талын чөлөөт бүсээр хязгаарлагдана. Нэвтрэрсэн хойно нь цагдаа, тагнуулын болон бусад хууль, хяналтын байгууллагууд хяналт тавьж ажиллана.

Г.Нацаг-Эрдэнэ