Төрөөс мөнгөний бодлогын талаар 2020 онд баримтлах үндсэн чиглэл батлах тухай УИХ-ын тогтоолын төслийг УИХ-ын өнөөдрийн чуулганаар хэлэлцэж байна. Чуулганы хуралдааны үеэр гишүүд асуулт асууж харилт авлаа.

УИХ-ын гишүүн Н.Амарзаяа: Ахмадын тэтгэвэрийн хэмжээ харилцан адилгүй байна. Тэтгэвэр авдаг ахмадуудын олонх нь бага дүнтэй. Гэтэл тэтгэврийн зээлийн хүү маш өндөр байна. Өмнө нь 18 хувь байсныг 15 хувь болгож бууруулсан байна лээ. Гэхдээ 10 хувиас доош буулгах боломжгүй юм уу?Дараагийн нэг асуудал нь “Саарал жагсаалт”-тай холбоотой асуудал. Саарал жагсаалтад орлоо гээд Монголбанк, Санхүүгийн зохицуулах хороо зэрэг байгууллагын дарга нартай хариуцлага тооц гэсэн байна лээ. Би үүнтэй санал нэгдэхгүй байна. Санхүүгийн зохицуулах хорооноос ФАТФ-аас банк бус санхүүгийн байгууллага, ломбарттай холбоотой заалттай асуудал тавьсан байна лээ. Үүнд ямар бодлогын арга хэмжээ авах бэ? 

Монголбанкны Ерөнхий санхүүч н.Ган-Очир: Монголбанкнаас Б нэгдсэн бодлогооор тэтгэврийн зээлийн хүүг бууруулахаар шат дараатай ажиллаж байна. Одоо байгаа түвшнээс буулгахын тулд нэмэлт эх үүсвэрийг бий болгох талаар Засгийн газар арилжааны банкуудтай тохирох байдлаар ажиллах боломжтой. Тэтгэвэр бага учир зээлийн хүү бага байх ёстой гэдэг бодлого бол дунд хугацааны тогтвортой хэрэгжих бодлого биш.

Санхүүгийн зохицуулах хороо: ФАТФ-аас коргоор дамжуулан мөнгөн гуйвуулга хийж байна гэсэн мэдээлэл ирсэн. Энэ хүрээнд хяналт шалгалт хийсэн. Өнгөрсөн онд 1270 орчим удаагийн хяналт шалгалт хийсэн. Ирэх арваннэгдүгээр сард дахиад хяналт шалгалт хийнэ. ФАТФ-ийн зөвлөмжийн хүрээнд санхүүгийн байгууллагыг сахилга баттай байлгах, олон нийтэд мэдээ мэдээлэл хүргэх зэргээр олон ажил хийсэн. Түүнчлэн ФАТФ-ийн зөвлөмжид банк бус санхүүгийн байгууллага, хадгаламж зээлийн хоршоо гэж тусдаа ангилсан зүйл байхгүй.

УИХ-ын гишүүн Н.Амарзаяа: Он гараад зээлийн хүүг доош бууруулах боломж байна уу? Монголбанкны ерөнхий санхүүч н.Ган-Очир: Засгийн газрын нийгмийн халамжийн хүрээнд тодорхой болох ёстой асуудал.

Г.Нацаг