УИХ-ын гишүүн, УИХ дахь МАН-ын бүлгийн дарга Д.Тогтохсүрэнг бусдаас авлига авсан байж болзошгүй гэдэг үндэслэлээр шалгуулах хүсэлтээ нэр бүхий иргэн АТГ-т гаргасан гэх мэдээлэл цацагдсан. Тодруулбал, түүнийг Өвөрхангай аймгийн Засаг даргаар ажиллаж байхдаа тендер шалгаруулалтад нөлөөлж, бусдаас 70 сая төгрөгийн хахууль аван 2016 оны УИХ-ын сонгуульд өрсөлдөхдөө зарцуулсан. Уг хэрэгт Өвөрхангай аймгийн өнөөгийн Засаг дарга Г.Ганболд, ЗДТГ-ын Ерөнхий санхүүч Ч.Болормаа нар оролцсон байх талтай учир хамт шалгуулахаар баримтаар хавсаргасан гэсэн юм.
Тэгвэл энэ талаар УИХ-ын гишүүн, УИХ дахь МАН-ын бүлгийн дарга Д.Тогтохсүрэн "Энэ мэдээллийг хараад АТГ руу залгаж асуусан. АТГ-аас намайг шалгаагүй гэсэн. Тэгээд ч би төрд ажиллах энэ хугацаандаа хэн нэгнээс авлига авсан асуудал огт байхгүй. Нэр хүндийг минь харлуулж, гутааж байгаад харамсаж байна" гэв.
Г.Алимаа
Сэтгэгдэл (8)