Хошууч генерал Б.Баярмагнай тэргүүтэй “Монголын Үндэсний фронт”-оос төрийн эргэлт хийнэ гэх мэдээлэл сүүлийн үед цацагдаад байгаа билээ. Мөн энэ асуудлаар Ерөнхийлөгч Х.Баттулгатай уулзсан тухайгаа Б.Баярмагнай генерал мэдэгдсэн байдаг. Үүнтэй холбогдуулж Ерөнхийлөгчийн Тамгын газрын дарга З.Энхболд тайлбар хийлээ.
Тэрбээр "Ерөнхийлөгч тэр хүнийг танихгүй, тийм балай юм хийхгүй, тэр хүнийг таних ч үгүй. Баярмагнай нэг удаа телевизээр генерал хувцастай гарсан. Тэгэхэд нь би Батлах хамгаалахын зөвлөх Даваагаар дамжуулж, “Генерал хувцас өмсөх дүрэм зөрчиж байна. Хариуцлага тооцно шүү” гэж сануулсан. Түүнээс хойш генерал хувцас өмсөөгүй.
Төрийн эргэлт хийхээр оролдож байгаа хүнийг Тагнуулын газар судлаад хуулийн хариуцлага хүлээлгэх байх. Ерөнхийлөгчийн нэрийг дахин баривал хариуцлага тооцно. Ирэх сонгууль хүртэл цахимаар янз бүрийн зүйл гарна. Жишээ нь, МАХН үнэгүй орон сууц өгнө гэж байгаа. Энэ нь Сонгуулийн хуулиар хориотой. Тэр намыг сонгуульд оролцуулж болохгүй" гэлээ.
С.Сүлд
Сэтгэгдэл (43)