ХХБанк хүүхэд багачуудын хүсэл сонирхолд тулгуурлан тэдний авьяас, оюун билгийг нээх, хөгжүүлэх, үндэсний урлаг соёлын өвийг өвлүүлэх зорилгоор Монголын хүүхдийн ордонтой урт хугацаанд хамтран ажиллахаар боллоо.

ХХБанк Монголын хүүхдийн ордны 100 гаруй багш ажилтан, 4500 гаруй сурагч хүүхдүүдийн боловсрол мэдлэгт хувь нэмэр оруулах зорилготой уншлагын танхимыг тохижуулан албан ёсоор хүлээлгэн өглөө. Мөн хүүхдийн ордонд суралцаж буй багачууддаа ХХБанкны нэрэмжит санхүүгийн анги тохижуулан өгөх, авьяаслаг сурагчдадаа сургалтын төлбөрийн тэтгэлэг олгох гэх мэт санхүүгийн боловсролын чиглэлээр урт хугацаанд хамтран ажиллах болсон билээ.

Энэ нь Монгол Улсын ирээдүй болсон хүүхэд багачуудынхаа тав тухтай орчинд сурч, хөгжих нөхцөлийг бүрдүүлэх мөн эрүүл энх, эрдэм билигтэй, зөв хүн болж өсөхөд дэмжлэг, туслалцаа үзүүлэх зорилгоор  хэрэгжүүлж буй “Хязгааргүй мөрөөдөл” төслийн хүрээнд явагдаж байна.

Мөрөөдөл бүхний эхлэлийг хамтдаа бүтээе

Худалдаа хөгжлийн банк