БНХАУ-ын 700 гаруй иргэн Монгол Улсын хилээр оруулж ирэхэд Шадар сайд Ө.Энхтүвшин холбоотой гэж УИХ-ын гишүүн Ж.Батзандан мэдээллээд байсан. Тэгвэл Улсын Онцгой комиссын өргөтгөсөн өнөөдрийн  хуралдааны дараа сэтгүүлчдэд энэ талаар тайлбар хийлээ.

Энэ талаар Шадар сайд Ө.Энхтүвшин "Монголд казино байгуулахаар 800 хятад иргэнийг Монголд оруулж ирсэн гэв үү. Та нар итгэж байна уу. Бүр визтэй гээ биз дээ. Би энэ визийг олгоссон, эсвэл захиалга өгсөн болж таарах гээд байна аа. Үнэхээр тэгсэн эсэхийг шалгачих. Урилга өгч үү, захиалга хэн өгсөн байна гэдгийг шалгачих. Шалгахад амархан шүү дээ. Тагнуул, цагдаагийн байгууллага шалгаж байгаа. Шалгалтын хариу гарахаас өмнө хэн нэгэн УИХ-ын гишүүн аман мэдээлэл хиймээргүй байна. Хууль хяналтынхан шалгачих. Тэгээд мэдээллээ өгөг. Монголын 50 гаруй компани захиалга өгч байж оруулж ирсэн юм билээ. 

Засгийн газар энэ асуудлыг мэдэж байсан. Тагнуулын байгууллага мэдээд шалгаж байсан гэсэн юм ярьсан байна лээ. Шалгадаг газар нь шалгаад тогтоох биз" гэлээ. Нэр төрөө сэргээлгэнэ гэж гүйх нь жижигхэн асуудал. Энэ бол хоёр орны хоорон дахь асуудал. Чөлөөт бүс байгуулах тал дээр бас л шүүмжилсэн. 2001 оны хуульд Замын-Үүдэд казино байгуулна гэж заасан байсан. Гэхдээ хятадын талаас чөлөөт бүсэд казино байгуулахгүй гэсэн. Бид үүнийг нь хүлээн зөвшөөрсөн. Хятадуудыг урьсан компаниудын талаар сайн мэдэхгүй байна. Би, Уулаа, Баяраа гэдэгт хүнтэй уулзаж байгаагүй. Харин хятадын компанийн гурван хятадтай уулзсан. Тэд мэдээлэл технологийн чиглэлээр Монголд хөрөнгө оруулалт хийе гэж санал тавьсан. Тэгэхэд нь би мэдэхгүй зүйл байна. 

Үүнээс долоо хоногийн дараа дээрх хятадуудыг барьсан асуудал гарсан. Тухайн үед би хууль бус үйлдэл хийх гэж байна гэж мэдээгүй. Тиймээс саналаа албан бичгээр тодорхой танилцуул гэсэн. 

Г.Алимаа