АНУ-ын Ерөнхийлөгч Доналд Трампын хүү Монголд ирж аргаль агнасан гэдгийг Олон улсын байгууллагаас мэдэгдсэн. Тэгвэл энэ талаар БОАЖ-ын сайд Н.Цэрэнбатаас тодруулахад “ Ан хийсэн нь үнэн. Гэхдээ тусдаа зөвшөөрөл олгоогүй. Тухай жилд хэчнээн ан амьтныг агнах ёстойг тогтоосон зөвшөөрөл олгодог. Энэ дагуу зөвшөөрөл олгосон.

Манай яамны гаргасан шийдвэрийг эсэргүүцсэн гомдол 100 гаруй бий. Бүгдээрээ шүүх дээр хянагдаж байгаа. Зайсангийн амыг БОАЖЯ тохижуулахгүй байгаа юм шиг зүйл яриад байна. Гэтэл газрыг нь эзэмшиж байсан байгууллага шүүхэд хандсан. Эко Алтан Заамрын хувьд нутгийн иргэдийн гомдол хуульд нийцсэн эсэхийг судалж байгаа гэсэн. Зарим ААН-ийн тусгай зөвшөөрлийг цуцалсан. Гол хүндрэл нь тусгай зөвшөөрөл цуцлахаас илүүтэй ямар хууль зөрчсөн бэ гэдгийг тодорхойлох ёстой. Асуудлыг тодруул гэхээр буцаа гэж ойлгоод байна. Мэргэжлийн байгууллагатай хамтарч ажиллаад дүгнэлтээ тодорхой болгох ёстой. Анхан шатьны нэгжүүд сайн ажиллах хэрэгтэй байна. Эко Алтан заамарыг хууль бус стандартьын бус гэдэг дүгнэлтээ мэргэжлийн хяналтаас ирүүлбэл тусгай зөвшөөрөл цуцлах саналаа УУХҮЯ-нд  хүргүүлнэ. Бүх асуудлыг ганц манай яам мэдэхгүй. Яам хамгаалаагүй. Байгаль орчны төлөвлөгөө манай яаманд хамааралтай. Хэргийг шалгаж байгаа гэсэн мэдээлэл бий. Ерөнхий сайдын шийдвэртэй холбоотой 26 лиценз цуцалсан. Гурван аймгийн хэмжээнд” гэлээ.