УИХ-ын чуулганаар Сонгуулийн тухай хуулийн төсөл болон хамт өргөн мэдүүлсэн хуулийн төслийн анхны хэлэлцүүлгийг хийж байна. Энэ үеэр УИХ-ын гишүүд асуулт асуусан. Тухайлбал,

С.Бямбацогт: 2008 оны сонгуулиар олон асуудал гарсан л даа. Гараар тоолдог байлаа. Болд гэдэг нэрийг Батболд гэж уншсан гэж хардаж ярьдаг. Одоо хар машинаар уншиж байна. Хар машин найдвартай, баталгаатай гэдгийн жишээ нь та шүү, Л.Болд сайд аа. 2012 оноос хойш хар машинаар тоолсон. Тэр болгонд та УИХ-ын гишүүнээр сонгогдсон. Энэ утгаараа та бодит жишээ нь шүү. Дээр нь гараар давхар тоолж байгаа. Үүнийг бүгдээрээ мэднэ. Хар машинтай холбоотой асуудал гарч байгаагүй. Тиймээс найдвартай гэж бодож байна. 

М.Оюунчимэг: Айлт гэрт аав, ээж хоёрын эрх, үүрэг тэгш байж гэр бүл тогтвортой байдаг. Ажлыг төгс хийлгэе гэвэл эмэгтэйчүүдээр хийлгэ гэдэг. Тиймээс эмэгтэйчүүдийг түлхүү сонгох ёстой. Квотыг 30 хувиас доош бууруулж болохгүй. Үүнийг уриалмаар байна. 

Д.Оюунхорол: Эмэгтэйчүүд улс төрийн эрх мэдлээ нэмэгдүүлэхийн тулд квот яриагүй шүү. Нийгмийн судалгаанаас үзвэл эмэгтэйчүүдийн үүрэг үүрэг илүү байна. Энэ утгаараа төлөөлөл нь олон байх ёстой.