УИХ-ын чуулганаар Сонгуулийн тухай хуулийн төсөл болон хамт өргөн мэдүүлсэн хуулийн төслийн анхны хэлэлцүүлгийг хийж байна. Энэ үеэр зарчмын зөрүүтэй томъёололд санал хурааж, УИХ-ын гишүүд үг хэлж байна. Тухайлбал,

Д.Эрдэнэбат: 49 дүгээр заалттай хэсэгт нэг зүйл хэлье. Маш ноцтой. Сонгууль сурталчилгаа хийх зорилгоор гэхээр сонгуулийн сурталчилгаа хийж болохгүй болчихлоо. Үүнийг хасах хэрэгтэй. Ажлын хэсэгт ч харсангүй. Хурлын дарга анхаараасай. Байнгын хороогоор цэгцлэхгүй бол болохгүй шүү. 

УИХ-ын даргас Г.Занданшатар: Сонгуулийн сурталчилгаа гэхээр санал авах өдрийг хүртэл сурталчилгаа хийхийг хориглочихсон байна. СЕХ үүнийг анхаар. Чиглэл өглөө шүү. 

Төслийн 55 дугаар зүйлд зааснаар 3 сая гэснийг 5 сая, 5 сая төгрөгийн хандив авах гэснийг 10 сая болгох тухай санал дэмжигдсэн юм. 

Санал авах байранд сонгогч санал өгөхөд нөлөөлөхгүйгээр хяналтын камер байрлуулж болно гэсэн. Уг заалттай холбогдуулан

Ж.Батзандан: Зүгээр байрлуулна гэдэг үгээр солих санал гаргаж байна. 

Д.Тогтохсүрэн: 2100 хэсгийн хороо бий. Үүнээс 1100 нь баг дээр байгаа. Эдгээрийг бүгдийг нь камержуулах боломжгүй. Мотороор цахилгаанаа хангадаг. Санхүүгийн боломж ч алга. Тиймээс болно гэж оруулж ирсэн. Тиймээс үүнийг дэмжихийг хүсье. 

Л.Энх-Амгалан: СЕХ хариулчих. Боломжоороо хэдэн хувьд нь камер байршуулах боломжтой юм бэ?

Ажлын хэсгийн дарга: 2020 оны сонгуулийн төсөв батлагдсан. Нэг ширхэг ч камер авах төсөв баталж өгөөгүй. Тиймээс боломжгүй. 2021 оны сонгуулийг камержуулна гэвэл төсөв мөнгөө ярьж болно.

Л.Энх-Амгалан: Олон сонгогчтой газарт камер байршуулна гэдгээр санал хураая.

Санал хураалтад 45 гишүүн оролцож, 32 гишүүн дэмжсэн юм.