УИХ-ын чуулганаар Сонгуулийн тухай хуулийн төслийн анхны хэлэлцүүлгийг хийж байна. Энэ үеэр УИХ-ын гишүүн О.Баасанхүү "УИХ-ын гишүүнд өрсөлдөхөөр нэр дэвшсэн иргэдийн сэтгэцийг шалгуулах хэрэгтэй. Яагаад болохгүй гэж. Намайг өөрийнхөө эсрэг юм ярилаа гэх байх. Тэгнэ л дээ, угаасаа. Хөгжлийн бэрхшээлтэй иргэд гээд ялгаварладаг. Тэгж болохгүй. Яагаад эдгээр иргэдийг нэр дэвшүүлэхгүй байгаа юм бэ. Эмэгтэй гишүүд үүнийг дэмжмээр байна. Эмэгтэйчүүзд 30 хувь байх ёстой гэж нэхсэн мөртлөө хөгжлийн бэрхшээлтэй иргэнийг Их хуралд оруулж болохгүй гэж. Яагаад эсэргүүцээд байгаа юм бэ. Та нар дэвшиж болдог, бусад нь болдоггүй юм уу. Тиймээс хөгжлийн бэрхшээлтэй гэхээр өөрийнхөө тухай ярилаа гэж шоолоод байх юм. Сонгуульд санал өгөх болохоор сэтгэцийн өөрчлөлттэй эсэхийг нь шалгана гэдэг биз дээ. Чадамжгүй гэвэл яадаг билээ. Тэгвэл Их хуралд суух гэж байгаа хүний сэтгэцийг яагаад шалгахгүй гээд байгаа юм бэ. Шалгаач ээ.

Эмэгтэй гишүүдийн квотыг 30 байх саналыг дэмжинэ. Эмэгтэй гишүүдийг хөгжлийн бэрхшээлтэй иргэдээс дор үзээд байгаа юм байна л лаа. Тэдний төлөө дуугарахгүй хэрнээ өөрсдийнхөө төлөө яасан сайн чанга дуугардаг юм бэ. Сүхбаатарын талбай дээр Болороо гэж эмэгтэй суулт хийсэн. Эмэгтэй гишүүд очсон уу. Мэдэхгүй. Эр, эм гэж ярихын оронд арай хүнлэг байдлаа ярьвал яасан юм бэ. Та нар хөгжлийн бэрхшээлтэй иргэдийг доромжилсон шүү. Болъё оо биш шүү. Та нар доромжил, гутаасан. Ингэж болохгүй" гэлээ. 

Харин үүний хариуд УИХ-ын гишүүн Б.Билэгт "Эмэгтэй хүн өрхийн тэргүүнээ үеийн үед хүндэлсээр ирсэн. Малгай, бүсийг нь хүртэл хүндэлж, дээш тавьдаг. Гэтэл 30 хувьд хүрэх эмэгтэй олдохгүй байна гээзд квотыг 20 хувьд бууруулсан. Тийм учраас эмэгтэйчүүд квотыг нэмэх шаардлагатай. Дэлхий нийтээрээ эмэгтэйчүүдийн улс төр дэх байр суурийг хүндэлж байна" гэв.