Төрийн байгуулалтын байнгын хорооны өнөөдрийн хуралдаанаар Сонгуулийн тухай хуулийн төслийг хэлэлцээд завсарласан. Уг хуралдаанаар авлига, албан тушаалын гэмт хэрэг үйлдсэн нь шүүхээс нотлогдсон бол нэр дэвших байх заалтыг хэлэлцсэн боловч байнгын хорооны гишүүдийн олонхийн саналаар энэ заалтыг хасахаар болсон юм. Ингээд УИХ-ын гишүүн С.Жавхлангаас дараах зүйлийг тодрууллаа. 

-Үндсэн хууль хэлэлцэх үеэр таныг чуулганд огт суугаагүй гэсэн. Энэ үнэн юм уу?

-Би ажлын хэсэгт орох санал гаргасан. Гэтэл хүлээж аваагүй. Үндсэн хуул хэлэлцэх үед энэ хүмүүсийн ярьсан яриа өөрчлөгдөж ирсэн. Хавар ярьснаа намар нь өөрчилсөн. Эцэстээ түүхэн гэмт хэрэгт орчих вий дээ гэсэн болгоомжлол надад төрсөн. Үндсэн хууль хэлэлцэх үед маш олон удаа маргалдлаа. Намайг Үндсэн хуулийн ажлын хэсэгт оруулсан бол их л олон зүйл хэлэх байлаа. Магадгүй миний үгийг тоож, хүлээж авдаг бол сайн зүйл болох байсан биз.

-Ирэх сонгуульд нэр дэвших үү?

-Тухайн үедээ шийднэ.

-Авлига, албан тушаалын гэмт хэрэг үйлдсэн шүүхээр нотлогдвол нэр дэвших боломжгүй болгох таны саналыг оруулахаар хэлэлцэж байна. Магадгүй энэ заалт эргээд бусдыг хохироох вий гэсэн болгоомжлол байна.

-Үүнд нэг өгүүлбэр орсон. Анх ингэж бодогдож байсан. Худлаа үнэн юм гаргаж ирээд нэгнийгээ боорлох вий гэж бодсон. Уг нь би анх маш утга төгөлдөр агууллагатай заалт тусгахаар бэлдсэн. ЖДҮ, оффшор гээд хүмүүсийг. Харамсалтай нь, хумигдмал ганцхан өгүүлбэрийг авахаар хэлэлцэж байна. Гэхдээ ийм зоригтой өөрчлөлт, алхам хийж байж, зөв шударга хүн оруулж ирэхгүй бол мөнгөтэй төгрөгтэй хүн ороод ирдэг. Компанйнхаа төлөөллийг хийж байна.

-Томсгосон тойргоор явуулах нь зөв юм уу?

-Их л юм шаардах байх даа. Монгол түмэн зөв сонголтоо хийж, зөв хүнээ гаргаасай гэж хүсэж байна. энэ хүмүүсийн зохиосон дүрмээр үзэхээс өөр аргагүй байна.

Г.Эрдэнэ