УИХ-ын чуулганаар Эрүүгийн хуульд нэмэлт, өөрчлөлт оруулах эсэх талаар хэлэлцэж байна.

УИХ-ын гишүүн Б.Бат-Эрдэнэ: Яагаад улсын хөрөнгө мөнгийг завшсан хүмүүс ял хүлээдэггүй юм бэ. Шоронд хатааж шонд дүүжилддэггүй юм гэхэд авлигад авсан мөнгийг  нь улсад төвлөрүүлээч гэж иргэд хэлж байна. Мөн тэтгэврийн өрийг тэглэж өгөх хуулийн төслийг санаачилж өгөх хүсэлт тавьсан учраас тэр санаачилгыг өргөн баръя гэж бодож байгаа. О.Содбилэг гишүүн энэ талаар нэлээд судалгаа хийсэн. Тэр судалгаа нь хаана байна вэ.

УИХ-ын гишүүн Х.Нямбаатар: Хуулийн төслийн 1.2 дахь заалтын 5 дахь хэсэгт гэмт хэрэг үйлсэн өдрөөс яллагдагчаар татах хүртэл тоолно. Яллагдагчаар татагдсанаас хойш хөөн хэлэлцэх хугацаа гэж байхгүй. УИХ-ын чуулганы Дэгийн тухай хууль тогтоомжоороо Дэгийн тухай хуулийг дагаж мөрдөх журмын тухай хууль батлагдана. Үүгээр хөөн хэлэлцэх хугацааг тоолох асуудал шинэчлэгдэж байгаатай холбогдуулан уг үндэслэлээр хэрэг нь үндэслэлгүй болсон хэргүүдийг дахин сэргээх асуудал орж ирэх гэж байгаа. Процессын хуульд орж байгаа өөрчлөлийг энэ журмаар хэрэглэж болно.

УИХ-ын дарга Г.Занданшатар: Багц хуулиудыг өнгөрсөн долоо хоногт хэлэлцэж асуулт асууж, үг хэлсэн. Гишүүдийн гаргасан асуулт, саналтай холбогдуулан УИХ-ын Тамгын газар шүүх, прокурорын байгууллагаас санал авах нь зүйтэй гэж үзсэн. Өнгөрсөн хуралдаанаар гаргасан саналтай холбогуудан мэргэжлийн хүмүүстэй ажиллахыг урьдчилаад танилцуулах нь зүйтэй байх. Эцсийн хэлэлцүүлэгт бэлтгэхэд Байнгын хороо гэмт хэргийн хөөн хэлэлцэх хугацааг тооцдог болох саналыг оруулж ирсэн. Хууль хоорондын зөрчилгүй байдлыг хангах, малын хулгайн гэмт хэргийг хоёр хуулийн зохицуулалтыг сайтар нягталж давхардал үүсгэхгүй байхыг анхаарах шаардлагатай. Мөн Зөрчлийн хуульд нэмэлт, өөрчлөлт оруулах болсон саналын томъёолол дэмжигдсэнтэй холбогдуулан нягтлах, холбогдох хууль тогтоомжтой нийцэж байгаа эсэхийг нягтлах хэрэгтэй.

Б.Лхам