УИХ-ын чуулганаар Эрүүгийн хуульд нэмэлт, өөрчлөлт оруулах эсэх талаар хэлэлцэж байна.

Б.Бат-Эрдэнэ: 24 бог, 8 бодоос дээш гэснийг хасах гээд ороод ирж. Бодит байдал дээр хөдөөний амьжиргааны эх үүсвэр болсон хэдэн малаас нь салгаж байгаа асуудал маш хүнд асуудал болоод байгаа шүү. Эхний ээлжинд тоог нь зааж өгч өөрчлөлт оруулж байгаа юм байна. Цаашид малын хулгайг чангатгах арга хэмжээ авах ётсой. Энэ хуулийн төслийг дэмжиж байна. Ёс зүйн дэд хороог ахалж байгаатай холбогдуулан ирцтэй холбоотой асуудлыг анхаармаар байна. Шинэ сонгогдсон хүмүүс хуралдаа ирдэггүй. Зарим нь огт ирэхгүй байна. Сая Д.Лүндээжанцан гишүүнийг хэлмэгдүүллээ. Гол ажлыг энэ хүн нугалж байгаа шүү. Өглөөнөөс орой хүртэл суудаг.

С.Чинзориг: 24 бог, 8 бодоос дээш гэснийг хөнгөдөөд байна гэж малчид хэлж байна. Цаашид хуульдаа анхаарах байх. Нийтийг хамруулсан тустай аижл хийлгэхээр малчид нь ойлгохгүй, сул чөлөөтэй явж байнса гэсэн ойлголт байгаад байгаа юм. тиймээс нэг ишиг ч хулгайлсан эрүүгийн хариуцлага хүлээдэг байх, торгодог, тодорхой хэмжээгээр хорьдог байх нь зөв.

О.Баасанхүү: Улс орон бүр өөрийн онцлогтой. Үүнийг зөвхөн тэр улсынхан л ойлгодог. Жишээ нь, БНСУ-д будааны үнэ өсөхөд хүний амь эрсдэх хэмжээний эрсдэл бий болдог. Манай улсад хүн амын ихэнх нь нийслэлд байдаг учраас ойлгохгүй байх шиг байна. Малчид малыг үр хүүхдээсээ илүү их хайрлаж, өсгөдөг. Ийм зүйлийг нь хулгайлаад толгойг нь таслаад хаячихна эсвэл алга болгочихоор аргагүй шүү дээ. Нэг бодыг хулгайлвал хулгай биш, хоёр бол хулгай гэж заавал тоо заах ёстой юм уу.

М.Билэгт: Монголын өргөн дэлгэр газар нутагт эзэн нь болж, хамгийн чухал хүнсээр хангаж байгаа иргэд шүү дээ. Мал маллах хэдхэн өдрийн ажил биш. Малыг төллүүлэхийн тулд хамгийн багадаа гурван жил малладаг. Гэтэл 24 бог, 8 бодоос дээш гэснийг 12 бог, 4 бодоос дээш гээд хасна гэхээр юу гэсэн үг вэ. Тайлбар авъя.

Г..Занданшатар: Хуулиа судалж байж ярь, М.Билэгт гишүүн ээ.

Б.Лхам