УИХ-ын чуулганаар Эрүүгийн хуульд нэмэлт, өөрчлөлт оруулах асуудлыг хэлэлцэж байна. Энэ үеэр гишүүд санал хэлж байна. Тухайлбал,  

Б.Энх-Амгалан: Өмнөх Эрүүгийн хуульд эх орноосоо урвах гэдгийг гадаадын байгууллагатай хамтран ажиллах гэж оруулсан байсан. Одоо бол төрийн нууц задлах гэдгээр оруулж. Гадаадын байгууллагатай хамтран ажиллах гэж байхгүй ээ. Эх орноосоо урвасан л гэсэн үг. Гэмт хэргийг үйлдсэн, онц ноцтой баримт задруулсан бол найм хүртэлх жилийн ял ногдулах юм байна. Онц нууц, маш нууц гэдэг зүйл яригдаж байхгаа үед гадаадыг тусгай байгууллагатай хамтаран ажиллах гэсэн ойлголт байхгүй. Урвасан л гэсэн үг. Хамтран ажиллах гэдэг томъёолоыг өөрөөр оруулж ирээрэй.

УИХ-ын дарга Г.Занданшатар: Байнгын хороо эцсийн хэлэлцүүлэгт анхаараарай.

О.Баасанхүү: Нууц задлах гэдгийг хуулиар чангаруулах хэрэгтэй. Нууц гээд нуудаг. Гэтэл нууцаас гаргачихдаг. Үүнээс болоод нууц задалсан уу, үгүй юу гэдэг асуудал үүсдэг. Мэргэжлийн байгууллагууд нь нууц гэж юуг хэлдэг юм бэ гэдгийг мэддэг байх ёстой. Үнэндээ Үндэсний аюулгүй байдалтай шууд хамааралтай. Гадаадын байгууллагатай хамтран ажиллах гэдгээ эргэж хар. Өөрөөр хэлбэл, гадаадын тусгай албатай хамтарч ажилласан, үгэссэн, тохирсон бол хатуу шийтгэх ёстой. Нууцын тухай хуульд тусгасан ч Эрүүгийн хуульд тодорхой заагаагүй байна. Шууд болон шууд буасаар нууцыг мэдэх боломжтой хүмүүс олж мэдсэн нууцаа задруулбал ямар хариуцлага хүлээлгэх бэ. Нууц гэдгийг мэддэг хэрнээ шууд яриад хэлдэг хүмүүс олон байна. Нууц задаллаа гэхээр УИХ-ын гишүүний халдашгүй дархан байдал дор нуугдчихдаг. Мөрдөн шалгах ажиллагааны нууцыг хүртэл задалдаг гишүүд байна. Тусгай албадад ийм хүн хоригдсон гэнэ. Тийм ажил хийдэг гэнэ, гээд яриад байна шүү дээ. Нууц биз дээ.Хор уршиг үүссэн бол ялын санкцыг чангаруулах хэрэгтэй. Нууцгүй улс боллоо.