УИХ-ын өнөөдрийн нэгдсэн чуулганаар Эрүүгийн хууль, Эрүүгийн хэрэг хянан шийдвэрлэх тухай, Зөрчлийн тухай хууль, Зөрчил хянан шийдвэрлэх тухай хуулиудад нэмэлт, өөрчлөлт оруулах товтой байсан. Хуулийн төслүүдийг өнөөдөр 15.00 цагаар хэлэлцэхээр УИХ-ын дэд дарга Л.Энхх-Амгалан чуулганы нэгдсэн хуралдааныг даргалсан боловч гишүүдийн ирц хүрээгүйн улмаас чуулганыг түр хугацаанд завларлуулсан.

Чуулган завсарлаад бүтэн нэг цаг гаруйн хугацаа өнгөрсөн ч чуулган хуралдаагүй байна. Үүний шалтгааныг зарим гишүүд хөөн хэлэлцэх хугацааны асуудлыг хэлэлцэх ёстой байсан учраас тохироо хийхээр ийн чуулганыг тасалдууллаа гэж харж буйгаа илэрхийлээд байна. 

Дээрх хуулиудын анхны хэлэлцүүлгээр зарчмын зөрүүтэй 30 гаруй саналд санал хураах ёстой. Эдгээрийн дунд хөөн хэлэлцэх хугацаа болон хөөн хэлэлцэх хугацааг шинээр тоолох аргачлалыг хэлэлцэх учиртай байсан юм.

УИХ-ын дэд дарга Л.Энх-Амгалан гишүүдийг хуралдаа суухыг нэр цохож хэлж, дуудаад ч тэд үг авсангүй. Харин ч ганц нэгээрээ гарч гүйлдсээр эцэстээ чуулганыг завсарлуулахаас аргагүй болгосон нь энэ юм.

Г.Нацаг