ШИНЭ намаас УИХ-ын сонгууль болон бусад асуудлаар мэдээлэл хийлээ.

УИХ-ын гишүүн Л.Болд “Энэ долоо хоногийн чуулганы хувиар, хэлэлцэх асуудлын тов гараагүй байна. Байнгын хорооны тов ч гараагүй хүлээлтийн байдалтай байна. Хэлэлцэх асуудалтай холбоотой тодорхой асуудал гарвал бид ээлжит бус хурал хийх боломжтой.

Сонгуулийн тухай хууль маш их асуудалтай батлагдлаа. Улс төрийн 23 нам нэгдэж сонгуулийн хуулийг маргаангүй, шударга сонгууль болгох гэж хичээлээ. Улс төрийн хүчнүүд эвлэлдэн нэгдэж, ажиллах бололцоог хангаснаараа онцлог болсон. Үүнээс өмнө эрх баригч нам 1990 он гэхэд МАХН шинэ намуудыг дэвшүүлэхгүй байх, сонгуулийн гадна үлдээх бодлого олон жил барьсан. Бүхий л захиргаадалтын аргыг хэрэглэж байсан гашуун түүхтэй. Бий болсон бүх эвслүүдийг хагалж, аль нэг эвсэл гарахад тэр эвсэл задардаг байх энэ зүйлийг хийж ирсэн. Ингээд тэмцлийн үед гажуудлыг засч сайжруулах ахицтай зүйл гарсан. Ямартай ч ШИНЭ өөрийн гаргасан гол зүйлийг оруулж чадсанаараа улс төрийн түүхэнд бодитой алхам болно.

Хоёрдугаарт, өнгөрсөн долоо хоногт хөөн хэлэлцэх хугацаатай холбоотой асуудал хэлэлцэхэд Хууль зүйн байнгын хорооны ирц хүрэхгүй байх зэрэг МАНАН-ийнхан маш их зохион байгуулалтын арга хэмжээ авч байгаа. Тиймээс УИХ яаралтай хуралдаж, хөөн хэлэлцэх холбоотой асуудлыг яаралтай шийдэх ёстой” гэв.

УИХ-ын гишүүн Ж.Батзандан “2016, 2017 оноос Монголын нийт 8000 гаруй хүүхдүүдэд эмийн туршилт хийсэн. Үүнээс үүдэн олон мянган хүүхдийн эрүүл мэндэд сөрөг нөлөө үзүүлсэн талаар сураг сонслоо. Гадаад улс болон Монгол Улсад бүртгэлгүй эм, вакциныг туршсан асуудал яригдаж байна. Энэ талаар УИХ-ын түвшинд нийтийн сонсгол зохион байгуулах шийдвэр гаргалаа. Мөн энэ талаар эцэг эхээс мэдээлэл авч байна. Учир нь эмийг хүн дээр турших нь эрүү шүүлт хийж байгаа хэрэг.

Нэгдүгээр сарын 10-нд нам харгалзахгүй таван гишүүний тэмцэл эхэлж байсан. таван эх оронч гишүүний чинь чадал хүрэхгүй бол 50 эх оронч гишүүн сонгож өгөөч гэж иргэдээсээ гуйна” гэдгийн онцоллоо.

Б.Лхам