УИХ-ын гишүүн С.Жавхлан телевизийн шоу нэвтрүүлэгт оржээ. Нэр нь “3 сая инээд”. Уг нэвтрүүлгийн санаа нь өөрт болон бусдад тохиолдсон хөгжилтэй түүхээс эхлүүл гавьяат М.Баярмангай, СТА Д.Баттөмөр нарын хошин мэдрэмжийг нь хөндөж, мушилзуулах төдийд мөнгө хождог нэвтрүүлгийн гол зорилго.

Иргэдийн ой тоонд орсон нэр томъёоноос харахад найман настай балчираас 80 настай буурай хүртэл энэ нэвтрүүлэгт орж М.Баярмангай, СТА Д.Баттөмөр “хөгжөөх” сонин содон түүх, болсон явдал ярьсаар өнөөдрийг хүрчээ.

Сонирхолтой нь, он солигдох мөчид “3 сая инээд” нэвтрүүлгийн тусгай дугаар гарав. Үүнд нь УИХ-ын гишүүн С.Жавхлан оролцсон нь хэн бүхний анхаарлыг татав. Гэтэл энэ удаагийн парламентад цорын ганц бие даагч гишүүн С.Жавхлан эхнээсээ хөглөж эхлэх нь тэр. Нэг үгээр нь нэг минутын хугацаанд өөрт болон бусдад тохиолдсон хөгтэй, жигтэй явдлыг ярьж хоёр шүүгчийг хөгжөөх учиртай нэвтрүүлгийн дүрмээ тэрбээр умартаж орхив.

Яг л чуулганы нэгдсэн хуралдааны өөрт ногдсон таван минутын хугацаанд ярих гэж оролдов. Сүүлдээ шүүгч хоёр жүжигчин “Гавьяатаа, гишүүнээ бага зэрэг хурдан ярих хэрэгтэй байна” хэмээсэн нь отгон дугаарын бас нэг чимэг болов.

Гишүүн С.Жавхлан гурван сая төгрөг хожсон. Түүнийхээ тодорхой хувийг нэрт алиалагч Т.Латиф Нурбуланы эмчилгээний зардалд хандивлахаа илэрхийлсэн нь хошин урлагийнхнаас илүү нөмөртэй харагдсаныг олон нийт ярьж байна.

Хамгийн гол нь, чуулганы нэгдсэн хуралдаанаар хэлэлцэж байгаа асуудлын хүрээнд гишүүн бүрт ногддог 4-5 минутын хугацаа шоу нэвтрүүлэгт нөлөөлдөггүй нь "Гавьяатаа, гишүүнээ хурдан яръя" хэмээх шүүгчдийн үгээс тодорхой харагдах шиг.

С.Сүлд