Монгол улсын Ерөнхийлөгч Х.Баттулга шинэ он солигдох мөчид Салхитын мөнгөний ордыг эдийн засгийн эргэлтэд оруулах замаар ахмадуудын тэтгэврийг нэг удаа тэглэх шийдвэрийг ҮАБЗ гаргасан талаар мэдэгдсэн. Хэдийгээр Ерөнхийлөгч ийн мэдэгдсэн ч гэлээ тэтгэврийн зээлд шаардлагатай 774 тэрбум төгрөгийг хэрхэн босгох, өрийг хэрхэн тэглэх зэрэг нь нийгмийн хүрээнд ихээхэн маргаан дагуулаад байгаа юм.

Тэгвэл Засгийн газар яг одоо ҮАБЗ-ийг хэрэгжүүлэх боломжийн талаар мэдээлэл сонсож, нэгдсэн шийдвэрт хүрэхээр хуралдаж байна. Засгийн газраас шийдвэр гаргасны дараа УИХ-ын чуулганаар асуудлыг оруулж, хэлэлцэх учиртай. Хэрвээ гишүүдийн олонх дэмжвэл ахмадуудын өрийг тэглэх ҮАБЗ-ийн санаачлага хэрэгжих боломжтой болох юм.