УИХ-ын гишүүн О.Баасанхүү МАХН-аас гарах уу, эсвэл ..... гэсэн сонголт хийхээр төлөвлөсөн байна. Түүнээс энэ талаар утсаар тодруулахад "МАХН-аас яг гарна гэж хэлээгүй. Гэхдээ ойрын хугацаанд нэг шийдвэр гаргана. Ингэж бодсоны учир нь МАХН буюу Н.Энхбаяр гэдэг хүн МАН, АН-ын шүүмжилж, тэдний алдаа оноог, дэнслэхгүй хэрнээ надтай л үзэлцэх юм. Ерөнхийлөгчийг дэмжиж байна, МАН-ын бодлогогүй алхамыг хоёр гараа өргөөд дэмжих юм.

Буруу зүйлийг яагаад дэмжээд байгаа юм бэ.

Сөрөг хүчнийг дэмжих хэрнээ надтай сүүлийн дөрвөн жил үзэлцлээ. Надтай үзэлцээд яах ч юм билээ. Одоо болох байлгүй дээ. Тиймээс ойрын үед ямар нэг шийдвэр гаргана. Өмнө нь Н.Энхбаяр гэдэг хүн намайг 10 гаруй удаа намаасаа хөөж байсан" гэлээ. 

УИХ-ын гишүүн О.Баасанхүү нь  2012, 2016 онуудад МАХН-аас нэр дэвшиж, УИХ-д сонгогдсон бөгөөд парламент дахь МАХН-ын цорын ганц төлөөлөл нь юм. Энэ утгаараа тэрбээр намаасаа гарвал МАХН парламентад суудалгүй нам болох юм. 

Г.Эрдэнэ