УИХ-ын чуулганаар УИХ-ын сонгуулийн тухай хуулийг баталсан. Тэгвэл Орхон нутгийн сонгуулийн тухай хуулийг энэ долоо хоногийн чуулганаар хэлэлцэж батлах ёстой. Энэ талаар УИХ-ын гишүүн Д.Эрдэнэбат "Мандатын хувьд дундаж хүн амтай аймагт хоёр мандат, 100 орчим мянган хүн амтай аймагт гурван мандат, 100 мянгаас доош хүн амтай хэрнээ дөрвөн мандаттай бол үүнийг нь хасах ёстой. Иймэрхүү маягаар мандатын тоог хуваах ёстой гэж бодож байна. Ирэх сарын 1-ээс өмнө мандатын хуваарилалтыг хийх ёстой. Үүнд АН-аас байр сууриа илэрхийлнэ. Нөгөө талаасаа заавал мандатын хас гэсэн байдлаар асуудалд хандаагүй. Орон нутгийн сонгуулийг можаритори системээр явуулах болов уу. Орон нутаг дахь улстөржилтийг багасгая гэвэл сурталчилгааны хугацааг багасгах хэрэгтэй. Хэний ах дүү, хаана дэвшиж байгааг бүгдээрээ мэднэ шүү дээ, жижигхэн газар юм чинь. Гэтэл сурталчилгааны хоног нь олон хоног байхаар үүнийг зохиомлоор улстөржүүлдэг. Маш их зардал гаргадаг"
