УИХ дахь МАН-ын бүлгийн хуралдаанаар хэлэлцсэн асуудлын талаар Д.Тогтохсүрэн мэдээлэл өглөө. Тэрбээр “Тэтгэврийн зээлийг тэглэх асуудлаар УИХ-ын даргын захирамжаар ажлын хэсэг гарсан. Нийтдээ 230 мянга иргэн тэтгэврийн зээлтэй байгаа. Эднээс 91 хувь нь 6 сая төгрөгөөс доош зээлтэй байгаа. Тиймээс иргэдийн тэтгэврийн зээлийн 6 сая хүртэл төгрөгийг тэглэнэ. 6 буюу түүнээс доош зээлтэй иргэдийн тэтгэврийн зээл тэглэгдэнэ. Харин 6 сая төгрөгөөс дээш зээлтэй иргэд үлдэгдэл зээлээ өөрсдөө төлнө. Салхитын мөнгөний ордоос нэг сая төгрөгийн үнэт цаас гаргаж, тэтгэврийн зээл аваагүй иргэдэд олгоно.
Өмнөх онуудтай харьцуулахад адил түвшний тэтгэврийн зээл гарсан талаар банкны мэдээлэл авсан. Тэтгэврийн зээл нэг, хоёрдугаар сард Цагаан сар болох гэж байгаатай холбоотой. Сургалтын төлбөр төлөх зорилгоор найм, есдүгээр сард хамгийн өндөр хэмжээтэй гардаг юм байна. Тэтгэврийн зээл бол хэрэглээ. Тиймээс иргэддийн тэтгэврийн зээлийг 6 сар хүртэл хугацаагаар олгохоор болж байна” гэлээ.
С.Сүлд
Сэтгэгдэл (74)