УИХ-ын намрын чуулганы өнөөдрийн хуралдаанаар Усны тухай хуульд нэмэлт, өөрчлөлт оруулах хуулийн төслийн эцсийн хэлэлцүүгийг хийж байна. Хэлэлцэж байгаа асуудалтай холбогдуулан Их хурлын гишүүд асуулт асууж, хариулт авч байна.

Ж.Бат-Эрдэнэ: УИХ-ын гишүүн Б.Баттөмөр Усны газар яагаад татан буугдсан талаар асуулаа. Сайн мэдэхгүй. Төрийн албаа цомхтгож, чадварлаг байлга гэдэг шаардлыг үе үеийн Засгийн газарт тавьж ирсэн. Үнэхээр шаардлагатай албыг татан буулгаад хэрэгцээтэй газартаа хүргэж ажиллаж чадахгүй байгаагийн нэг жишээ нь энэ. Орон нутагт сав газрууд гол үйл ажиллагаагаа хариуцан ажиллаж байна. Гэтэл аймгийн бодлогоотойгоо яаж уялдаж байна гэхээр ганц мэргэжитэн бүх ажлаа хариуцаж байх жишээтэй. Тиймээс Усны газрыг сэргээж, хуулийн асуудлыг эргэж харах хэрэгтэй байна.

Б.Баттөмөр: Улсад төсвийн бодлогоос гадна бүтцийн өөрчлөлтийн бодлого гэж зүйл бий. Цомхон байх, ажил төрөл гүйцэтгэх зөв бүтцийг зөв байлгах ёстой. Гэхдээ Монголын ан амьтан аврал эрж байна. Буудаж байна, дэлбэлж байна. Ангийн газрыг байгуулах ёстой. Яам бол үнэндээ хүрч ажиллаж чадахгүй байна шүү.

Л.Энхболд: Агентлаг байгуулах ёстой. Цаашдаа яам байгуулаасай. Их хурлын гишүүд, Засгийн газрын гишүүдийн өргөн барьсан хуулийг хамт өргөн барина гэсэн яасан бэ. Бусад хуулийг чуулган завсарлахаас өмнө батлуулах хэрэгтэй бхйна. Засгийн газрын 26 дугаар тогтоолд өөрчлөлт оруулаач ээ. Хэзээ бэ. Оюутолгойн усны хэрэглээний асуудал байна. БОАЖЯ байгалиа хамгаалах гэж байгаа бол ус ашигласны 20 хувийн интерваль авдагаа болих хэрэгтэй.  Гэтэл уул уурхайн компаниуд үйл ажиллагааныхаа процессийн 80 хувийг газрын гүнийн усыг ашиглаж байна. Гэтэл газрын гүний ус нийт усны нөөцийн 2 хүрэхгүй хувийг эзэлдэг шүү дээ. Хэрлэн, Орхон говь гээд баахан төсөл хэрэгжүүлэнэ гэсэн. Хэрэгжүүлэхэд газрын доорхи усны хэмжээ хүрэх үү. 

Ж.Бат-Эрдэнэ: Давхардсан зүйл байхгүй. Усны асуудалд хэрхэн менежмэнт хийх бэ гэдэг үүднээс тус тусад нь хэллцүүлэхээр болсон.

Ажлын хэсэг: Засгийн газрын 26 дугаар тогтоолын хувьд уул уурхайд ашиладаг усны хэмжээг 35 хувьд хүргэхээр судалгаа хийсэн. Удахгүй Засгийн газраар оруулна. Хөх морь төслийн хувьд Орхон онги төслийг хэрэгжүүлэхээр ажиллаж байна. Австрийн Засгийн газарт ГХЯ-аар дамжуулж захидал хүргүүлсэн.

Г.Эрдэнэ