УИХ-ын намрын чуулганы өнөөдрийн хуралдаанаар Усны тухай хуульд нэмэлт, өөрчлөлт оруулах хуулийн төслийн эцсийн хэлэлцүүгийг хийж байна. Хэлэлцэж байгаа асуудалтай холбогдуулан Их хурлын гишүүд саналаа хэлсэн. Тухайлбал,
О.Баасанхүү: Ус бол маш чухал байгалийн баялаг мөн. Асуудлын гол нь өмнө нь компани болгож ашиглах зэргээр баахан тооцоо судалгаагүй зүйл хийсэн. Зорилго байж болно. Гэхдээ зөв хэрэгжүүлэх ёстой. Сав газар, агентлаг энэ тэр гэлээ. Дагаад баахан хүнд суртал явах вий. Говьд төөмр зам барьж байна. Дуртай газраасаа ус гаргаж байна. Тэнд хүн амьдрахгүй шүү дээ. Төмөр замтай л болох байх. Сахарын цөл шиг болох вий дээ. Оюутолгой саарал ус ашигладаг л гэсэн. Хэн мэдэх юм.
Агентлаг байгуулах нь зөв ч юм уу, үгүй ч юм уу. Менежмент гээд ярихаар нөгөө л төрийн захиргааны нүсэр зүйл бий болгох вий.
Л.Энхболд: Газрын доорхи усны хэрэглээ 80 хувь байна. Гэтэл дэлхий нийтэд 20 хувь байдаг. Манайх ийм хэмжээнд барьж болж байгаа юм уу. Баяжуулах үйлдвэрүүд говьд борооны дараах мөөг шиг олноор баригдаж байан. Хаанаас зөвшөөрөл өгдөг юм бэ. Байшин дотор суусан цагаан цамцтай нөхөр зөвшөөрлийг замбараагүй өгөөд байгаа юм шиг.
Цэнгэг усны ордыг хамгаалаарай. Хуулийн төсөл өргөн барьсан ч хэн ч тоохгзй юм. Монголд нийтдээ 206 цэнгэг цусны орд бий шүү.
Б.Баттөмөр: БОАЖЯ гэж хөлгүй яам байна. Монголын ан, амьтан, ургамал аврал нэхэж байна. Хамгаалаад өгөөч. Гуйж байна. Хамгаалахад нь дэмжээд өгөөч. Судалгаанд баахан мөнгө зарцуулдаг. Яасан нь мэдэгдэхгүй юм. Эгийн голын цахилгаан станц гэж байна. Тэр юу болсон бэ. Ногоон хэрэм байгуулаад Монголыг тэр чигээр ойжуулах юм ярьсан. Юу болсон бэ. Нэг л их сайхан нэртэй төсөл хөтөлбөр. Баахан мөнгө зарцуулдаг. Яасан ийсан нь мэдэгдэхгүй. Төрийн албаа чадвахжуулмаар байна. шинээр байгуулах агентлагт нэг ч орон тоо нэмэхгүй байх ёстой.
Ундны усны эх үүсвэр дээр барьсан обьектуудыг холдуулмаар байна. Ус бохирдвол хүн ард бүгдээрээ хордоно шүү: Уул уурхайн томоохон компаниудад гүний ус ашиглах процессийг хязгаарлах ёстой. Говь цөлжиж дууслаа. Говьчууд уух усгүй боллоо. Голын голдирлыг өөрчилж байна.
Ундны усны эх үүсвэр дээр барьсан обьектуудыг холдуулмаар байна. Бүр зайлуулах хэрэгтэй.
Ус бохирдвол хүн ард бүгдээрээ хордоно шүү. Улаанбаатар хотын ундны усны нөөц буурсан шүү.
Г.Маргад
Сэтгэгдэл (3)