УИХ-ын чуулганы өнөөдрийн хуралдаанаар Эрүүгийн хуульд өөрчлөлт оруулах тухай хуулийн төсөл болон хамт өргөн мэдүүлсэн Зөрчлийн тухай хуульд нэмэлт оруулах тухай хуулийн төслийг УИХ-ын чуулганаар хэлэлцэж байна.

Уг хуулийн төслөөр мал хулгайлах гэмт хэрэг үйлдсэн этгээдэд оногдуулах ялын бодлогийг чангаруулах асуудлыг хэлэлцэж, санал хураах үеэр УИХ-ын гишүүн С.Жавхлан “Оногдуулах ялыг хүндрүүлэх гэж байгаа юм байна. Гэмт хэрэг өмнөх оноос 70 хувиар өссөн гэнэ. Хөдөө хөхөрсөн хоёр хөгшин. Үнээгээ алдчихлаа гээд цагдаад хэлж чаддаггүй. Учир нь нөгөө гэмт этгээдүүдийг дахиад ирэх вий, өс санах вий гэж айж байна.

Гэмт хэрэг өссөн шалтгаан нь ажилгүйдэлтэй холбоотой. Эдгээр залуусыг цалинжуулж, урамшуулаад хотоос гаргах боломж юу байна.

Хүүхдүүдээ болосвролтой болгоё гээд малаа зараад хот явуулчихсан.

Эрхийн бичгийн төлөө малаа зарчихаар ар гэрт нь хоосордог, үр хүүхэд нь цаас тэврээд үлддэг. Жилд 10 мянган орчим эдийн засагч цаас тэврээд үлдэж байна. Үүний 300 нь ажилтай болдог. Хэн хождог бэ гэхээр сургууль хожиж байна, шорон дүүрч байна. Төрийн зөв бодлого хэрэгтэй байна” гэлээ.

Г.Маргад