УИХ-ын чуулганы өнөөдрийн хуралдаанаар Эрүүгийн хуульд өөрчлөлт оруулах тухай хуулийн төсөл болон хамт өргөн мэдүүлсэн Зөрчлийн тухай хуульд нэмэлт оруулах тухай хуулийн төслийг УИХ-ын чуулганаар хэлэлцэж байна.
Уг хуулийн төслөөр мал хулгайлах гэмт хэрэг үйлдсэн этгээдэд оногдуулах ялын бодлогийг чангаруулах асуудлыг хэлэлцэж, санал хураах үеэр УИХ-ын гишүүн Б.Пүрэвдорж "Малын хулгайчид хууль сайн мэднэ. Эхлээд тавуулаа хулгай хийсэн бол шалгалтын явцад ганцаараа болж хувирдаг.
Ингэхээр бүлэг гэсэн хэргээр ял авахаас зугтаж байна.
Хоригдооо гэхэд нийтэд тустай хөдөлмөр эрхлээд суллагддаг. Тиймээс нийтэд тустай хөдөлмөр гэдгийг хасах хэрэгтэй. Малын хулгай бол шоронжсон хуультай болохоос өөр аргагй болгож байна. Өнчин ишиг хулгайлсан ч ял авахаас өөр аргагүй. Хоёр, гуравхан юм гээд орхих нь хулгай гаарах шалтгаан болж байна. Аминых нь ганц ямааг хулгайлсан хүнийг шийтгэхгүй гээд яах юм бэ.
Г.Маргад