Улсын Онцгой комисс хуралдаж, Сар шинийн баярыг хэрхэн тэмдэглэх, хүчит бөхийн барилдаан, Төрийн золголтыг цуцлах эсэх асуудлыг хэлэлцлээ. Энэ талаар комиссын орлогч дарга, Батлан хамгаалахын сайд Н.Энхболд “Засгийн газрын 30 дугаар газрын тогтоолоор шаардлагатай арга хэмжээ авах хөрөнгийн хэмжээг баталсан. Коронавирусээс урьдчилан сэргийлэх халуун цэгүүдэд ажиллаж байгаа ажилтнуудад хэрэглэх, нэг удаагийн хэрэгсэл, эмнэлгийн бэлэн байдлыг хангахаар болсон.

Голомтын бүсээс ирж бйгаа хүмүүсийг тусгай байранд байлгаж шинж тэмдгийн үе өнгөрсний дараа  гэр лүү нь явуулах чиглэлэээр боломжийг судална. Санхүүжилтийг Засгийн газрын нөөц хөрөнгөөс гаргана. Монгол иргэдийн тээвэрлэлтийн асуудлыг шийдвэрлээд явж байгаа. БНХАУ зөвшөөрлөө өгсөн даруйд авчирна. Бүх зардлыг Засгийн газраас шийдвэрлэнэ.

Сар шинийн баяр хөл хөдөлгөөн ихтэй байдаг. Өнөөдрийн байгаа нөхцөлд халдвар дамжуулах нөхцөл үүсэж магадгүй гэж үзсэн. Шууд хорьж хаах нь хэцүү. Яагаад гэхээр Монголд коронавирусийн халдвар бүртгэгдээгүй. Иймд аль болох гэр бүлийнхээ хүрээнд золголтыг хийж, хамт олон албан байгууллагын хүрээнд тэмдэглэхгүй байхыг зөвлөж байна. Гуравдугаар сарын 2-ныг хүртэл бүх үйл ажиллагаа хориглосон учир бөхийн барилдааныг зохион байгуулахгүй байх нь зүйтэй гэсэн шийдвэр гаргалаа. Хилээр орж, гарч байгаа зорчигчдод судалгаа хийж зөвлөмж өгч байна” гэлээ.

Харин Эрүүл мэндийн сайд Д.Сарангэрэл “Өндөржүүлсэн блээн байдалд ажиллаж байна. Коронавирусийн халдвар авсан тохиолдол 7,711, 18 оронд коронавирусийн халдвар оношлогдсон 128 хүн эдгэрсэн. Манай улсад 50 сэжигтэй тохиолдол бүртгэгдсэн бөгөөд одоогоор 14 хүн ХӨСҮТ-д тусгаарлагдсан байна. Одоогоор халдвар тархсан тохиолдолд бэлэн байдлыг ханган ажиллаж байна. ХӨСҮТ болон ДЭМБ-тай хамтарч Япон улсаас эхний ээлжийн оношлуур авсан учраас оношид эргэлзэх шаардлагагүй. Мөн бид БНХАУ-аас 2,000-3,000 дахин авахаар ярилцаж байна” гэсэн юм.

С.Сүлд