УИХ-ын өнөөдрийн чуулганаар хаврын чуулганаар хэлэлцэх жагсаалт батлах талаар гишүүд хэлэлцэж байна. Энэ үеэр гишүүд үг хэлж, асуулт асуулаа.

Ц.Даваасүрэн: Бид их хурлаа мөлжсөөр чадваргүй болгож байна. Төрийн эрх барих дээд байгууллагынхаа хүчийг сулруулсан. Үүнээс аврах зүйл нь их хурлынхаа дэргэд бүтцүүдээ байгуулах юм. Эсвэл гишүүд судалгааны байгууллагатайгаа харьцдагггүй юм уу. Энэ хууль ч таг.

Бид Их Хурлаа бүтцээр нь ажиллуулж чадахгүй байна. Тухайлбал, Сангийн яамнаас оруулж ирж байгаа төсөв, инфляци үнэн зөв үү гэдгийг хэлж өгдөг бүтэцтэй байх ёстой. Энэ бүтэц алга. Бусад улсуудад ч ийм л байдаг шүү дээ. Зөндөө олон парламентын үйл ажиллагаатай танилцсан хэрнээ муу юмыг нь л сурах юм. Адаг сүүлд нь баялгаа гадныханд өгөөд л сууж байна. Олон жил сууж байсан гишүүд юугаа хийж байсан юм. Хуралдаа суух дуртай. Гэтэл Их Хурлыг цөлмөж байгаа зүйлийг яагаад хэлдэггүй юм.

Г.Зандангатар: Төсвийн дэд бүтэц байгуулагдсан. Сургалт судалгааны төв ирэх сарын 1-ээс байгуулагдана. Төсвийн алба бий шүү.

С.Бямбацогт: Ц.Даваасүрэн гишүүнтэй зарим талаараа санал нэгдэж байна. Бид хууль тогтоох ажилдаа илүү анхаардаг. Өөсрдийнхөө эрх мэдэл гэж ойлгодог. Тиймээс хэт их томилгоо, асуудал руу орохыг хязгаарлаж оруулсан юм. Хуулийн хэрэгжилтэд хяналт тавих үүргээ хэрэгжүүлэх чигллэээр үйл ажиллагаагаа нэмэгдүүлэх шаардлагатай байгаа. Учир хуулийн хэрэгжилт танилцуулж байгаа гишүүд Их Хурлын танхимд орж ирээд худлаа ярьсан болоод гараад явчихдаг зүйл байдаг. Тиймээс Дэгийн тухай хуулиа чангаруулах заалт оруулсан.

Ц.Даваасүрэн: Занданшатар даргаа та андуураад байна. Наад хууль чинь батлагдаагүй учраас би хэлээд байна.

Б.Лхам