ШИНЭ намаас цаг үеийн асуудлаар мэдээлэл хийлээ. УИХ-ын гишүүн Ж.Батзандан "УИХ-аас хэд хоногийн өмнө тэтгэврийн зээлийг тэглэхтэй холбоотой хууль баталсныг та бүхэн санаж байгаа байх. Салхитын мөнгөний ордыг барьцаалж бонд босгох замаар хаан банк руу 500 тэрбум төгрөг, төрийн банк руу үлдэгдлийг нь шилжүүлэх хууль баталсан.

Манай намаас уг хууль ахмадуудыг ялгаварлан гадуурхах хууль боллоо хэмээн үзэж, эрх тэгш байдлыг хангахаар хуулийн төсөл санаачилж гарын үсэг цуглууллаа. Өнөөдөр 100 мянган ахмад тэтгэврийн зээлийг тэглэх хууль шударга бус болсон гэж гарын үсэг цуглуулан бидэнд ирүүллээ.

Энэ хүрээнд ахмадуудын саналыг тусгаж хуулийн төслийг боловсролуулж Засгийн газарт хүргүүлээд байна. Үндсэн хуульд баялгаас олсон ашгийг ард түмэнд тэгш хуваарилна гэж заасан зарчим алдагдлаа. Мөн тухайн үед УИХ-ын дарга биднийг чаддаг юм бол 100 мянган хүний гарын үсэг цуглуулаад ир гэж загнаж байсан.

Заримд нь чихрийн цаас нэртэй үнэт цаас, заримд нь зургаан сая төгрөг өгч болохгүй. Нийт ахмадуудад зургаан сая төгрөг өгөх ёстой" гэв. ШИНЭ намаас зээлгүй ахмадуудыг гадуурхаж болохгүй.

Хоёрдугаарт ахмадуудыг банкнаас зээл авахыг нь хааж болохгүй гэсэн санал өгсөн ч эдгээр саналыг хүлээн аваагүй. Тиймээс хэрэв зээл аваагүй ахмадуудад тус бүр гурван сая төгрөг өгөхийг зөвшөөрөхгүй бол ахмадуудтай хамтарч Сүхбаатарын талбайд жагсана гэв.

Б.Лхам