Засгийн газрын Хэрэг эрхлэх газрын дарга Л.Оюун-Эрдэнэ УИХ-ын дарга Г.Занданшатарт Урт хугацааны хөгжлийн хөтөлбөрийг гардуулан өглөө. Тэрбээр “Дэлхийн 20 орчим улсад ийм бодлого байдаг. Өнгөрсөн найман сарын хугацаанд 1500 орчим эрдэмтэн, судлаачидтай хамтарч ажилласан. Одоо албан ёсоор Байнгын хорооны хуралдаанаар орно. Мөн Ерөнхий сайдаар ажиллаж байсан хүмүүстэй уулзаж ярилцах шат дараатай алхмыг хийнэ. Намуудын мөрийн хөтөлбөр хөгжлийн бодлоготой уялдах асуудлыг Үндсэн хуульдаа оруулсан байгаа. Бид эдийн засгийн ямар тэргүүлэх чиглэлтэй байх юм. Улаанбаатар хэрхэн хаашаа хөгжих юм зэргээр ТЭЗҮ хийх үндэслэлд олон эрдэмтэд хамтран ажилласан. Өнөөдрөөс УИХ-ын гишүүдэд тараагдаж эхэлсний дараа олон нийтэд нээлттэй болоод явах байх. Монгол Улс хүн ам цөөхөн. Давуу байдлаа сул тал болгож, зөвхөн өчигдрөө харж амьдарч болохгүй. Маргаашаа харсан хөгжлийн бодлогыг гаргах ёстой. Монгол Улсыг 30 жилийн хугацаанд хөгжүүлэх бодлоготой болж байна. Монгол Улс 2025 оноос ажиллах хүчний дутагдалд орно. Тиймээс энэ асуудлыг зохицуулсан бодлого хэрэгтэй. Чинээлэг дундаж давхрагатай холбоотой асуудлыг Дэлхийн банктай хамтарч гаргасан. Цаашид чинээлэг дундаж давхрагыг 80 хувьд хүргэх том амбийц байна. Бидний мэтгэлцээн илүү гүнзгий байгаасаа. Энэ бодлого цаасан дээр үлдэх биш иргэн бүхний оюун санаанд хүрэхийг зорино” гэлээ.

Харин УИХ-ын дарга Г.Занданшатар “Монгол Улсын хөгжлийн бодлого тогтвортой байх асуудлыг Үндсэн хуулийн нэмэлт, өөрчлөлтөд оруулсан. Хуулийн дагуу УИХ-аас 2020 оны хаврын ээлжит чуулганаар хэлэлцэх асуудлын төлөвлөгөөг баталлаа. Хаврын чуулганаар хэлэлцэнэ. Ингэж байж Үндсэн хуулийн нэмэлт, өөрчлөлт амь орно. Гадаад, дотоодын олон эрдэмтний судалгаагаар хөгжлийн бодлого нь тогтвортой байх асуудлыг хөндөж байгаа. Тиймээс хаврын чуулганаар нээлттэй сонсгол хийх замаар хэлэлцэж батлах болно. Түүхэн үүрэг гүйцэтгэсэн эрдэмтэн судлаач нартай баярлалаа" гэсэн юм.

С.Сүлд