Их Хурлын сонгууль хаяанд ирлээ. Парламентын хувьд дөрвөн жилийн хугацаанд хийсэн ажлаа тайлагнах, нөгөөтээгүүр дүнгээ тавиулах цаг хугацаа ч гэж хэлж болно. Энэ ч утгаараа дараагийн сонгуульд горилогч, намуудын үйл ажиллагаа  идэвхжиж эхлээд байна.

Тухайлбал, ШИНЭ  намын зүгээс сонгогчидтойгоо ээлжит уулзалтаа хийжээ. Энэ талаар

Тодруулбал, ШИНЭ намын хувьд ард түмнээс хандив босгохоор шийджээ. Энэ талаар УИХ-ын гишүүн Л.Болд өөрийн цхим хуудасдаа “ШИНЭ нам “Шударга ёсны төлөө” хандивын аянаа өнөөдөр морин цагт эхлүүллээ. Санхүүжилт гэдэг бол тухайн намын үйл ажиллагаа бодлого зорилт, цаашдын чиг хандлагыг тодорхойлох амин чухал зүйл.

Улстөрийн намууд бохир санхүүжилт авснаас болж бохирдсон. ШИНЭ нам өнөөдөр намын санхүүжилтийн шинэ схем болох шинэ шилэн дансны схемээ танилцуулж байна. Бид хөшигний ард санхүүжилт авахыг хүсэхгүй. ШИНЭ намын санхүүжилт олон түмэнд ил тод, нээлттэй байна.

Иргэд та бүхэн өөрсдийнхөө сонголтоор, өөрсдийнхөө итгэлийг хүлээх зөвхөн ард түмнийхээ төлөө ажиллах, хамгийн өндөр ёс суртахуун, мэргэжилтэй хүнийг сонгох санхүүгийн эх үүсвэрийг өөрсдөө бүрдүүл, өөрсдөө зарцуул. Өөрсдийнхөө хамгийн шилдэг охид хөвгүүдээр Монгол төрийнхөө жолоог атгуул, Монголынхоо нийгмийг шинэ түвшинд гаргах ирээдүйг бий болгохын төлөө тэдэндээ томилолт өгөөрэй” гэжээ.

Ер нь сонгуульд нэр дэвших хүсэлтэй иргэд намдаа хандив өгч, улмаар намын нэрээр өрсөлдөх эрхтэй болдог нь нууц биш ээ. Тэгвэл улс төрийн намуудын зүгээс ирэх сонгуулийн хандиваа хэрхэн босгох талаар ийн зарлаад эхлэв.

Хамгийн гол нь төрийн эрх ээлжлэн барилцдаг МАН, АН нэр дэвшигчдийнхээ босгыг хэдэн төгрөгөөр үнэлэх вэ гэдэг нь чухал. АН-ын хувьд нэр дэвшигчдээсээ 100 сая төгрөгийн хандив авна гэдгээ аль хэдийн зарлачихсан. Ингэснээр хөшийгний ард тал дахь санхүүжилт ил болно хэмээн намын дарга С.Эрдэнэ тайлбарлаж буй. Тэрбээр “АН хэн нэгэн олигархийн халаасанд гүйж ордог, эсвэл татвар төлөгчдийн мөнгөөр туйлдаг нам биш ээ. Үзэл санааныхаа төлөө нэгдсэн хүмүүс үйл ажиллагаагаа хэрхэн явуулах вэ, улс орныхоо хөгжлийн төлөө ямар бодлогоор ажиллах вэ гэдгээ л ярьж байгаа. Тийм учраас намынхаа үйл ажиллагаа, цаашилбал сонгуульд оролцоход шаардагдах санхүүжилтийнхээ хэмжээг хэрхэн ямар зарчмаар тогтоохоо бид өөрсөө мэдэх эрхтэй. Түүнээс бид ямар нэг албан тушаал наймаалах, төрийн албыг худалдах асуудал яриагүй” хэмээн мэдэгдсэн юм.

Гэвч тус намын залуу гишүүдийн зүгээс нэр дэвшигчдээс 100 сая төгрөг авах нь “Үндсэн хуульд заагдсан сонгох, сонгогдох эрхэд халдаж байна” хэдэнтээ мэдэгдэж, үүнтэй тэмцэхээ илэрхийлээд байгаа.

Ийнхүү намууд санхүүжилтээ ил болгож эхэллээ. Гэвч эрх барьж буй МАН босго оноогоо хэдээр үнэлэх нь тодорхойгүй байна. Хэрэв зарлалгүй явсаар сонгуулийг хүртэл олон нийт дахин итгэл хүлээлгэх нь юу л бол. Учир нь албан тушаалын наймаа 60 тэрбумын бичлэг гэх бодит сургамж бий шүү дээ. 

Б.Лхам